Skip to main content

Meeqqat ulloq unnuarlu paaqqinnittarfiit kommunit sumiginnarpaat

Meeqqanut ulloq unnuarlu paaqqinnittarfimmiitinneqartunut kommunit ukiumut minnerpaamik ataasiarlutik periusissatut pilersaarusiornissamut pisussaaffeqarput. Tamanna pineq ajorpoq, ombudmandip misissuineranit nalunaarusiap tamanna takutippaa.

Ombudsmandi PITU-p Nuummi aamma Tasiilami immikkoortoqarfiani misissuisimavoq, taannalu nalunaarusiamik arlalinnik ajornartorsiutinik saqqummiussaqarpoq, kisianni ataatsimut isigalugu ‘’najugaqartunut toqqissisimanartumik aamma angerlarsimaffippalaartumik pilersitsisoqarsimavoq’’, tamanna oqaatigineqarpoq.

Sinaakkutit toqqissisimanartut

- Najugaqartut misissuiartortut oqaloqatigisaat paaqqinnittarfimmi najugaqarnertik nuannaralugu, aamma toqqissisimallutik oqaatigaat, ombudmandi allappoq.

Suliassaqarfimmi ataatsimi ingammik equngasoqarpoq, naak paaqqinnittarfiup imminut pigisup kommunit nukingisaaqattaartaraluaraat: Kommunit inatsisitigut pisussaaffeqarlutik meeqqanut inissinneqarsimasunut tamanut periusissatut pilersaarusiat ukiumut suliarineqartartussat suliarineq ajorpaat.

Ombudsmandeqarfik allappoq:

- Kommunit akisussaasut pissutsit malugeqqullugit nalunaarutigaara, nalunaarusiani marlunni tamanna allaqqavoq. 

Namminerisami ineeraqarsinnaaneq malinneqanngitsoq

Ajornartorsiut alla tassaavoq, meeqqat ilaat marlukkaarlutik ineeraqatigiittarnerat, naak meeqqat namminerisamik ineeraqarnissaat nalunaarummi allaqqagaluartoq.

- Paaqqinnittarfiup tamanna ajornartorsiutaannginnerarpaa, qatanngutigiit arlallit ineqatigiinnissartik kissaatigisarmassuk, tamanna nalunaarusiami atuarneqarsinnaavoq.

Namminersorlutik Oqartussat sapaatip-akunnerata siuliani nalunaarut iluarsaateqqitaq tusarniarneqartussanngorlugu nassiuppaa, tassani namminerisamik ineqarsinnaatitaanermut piumasaqaatip malinneqanngissinnaanissaa pineqarluni, qatanngutigiit ulloq unnuarlu paaqqinnittarfimmi ineeraqatigiissinnaaniassammata.

Meeqqamut pissaanermik atuisoqartillugu nalunaarutiginnittoqartussaavoq, Tasiilamilu immikkoortortaqarfimmi marloriarluni taamaaliortoqarsimanngilaq.

- Pisuni marlunni taakkunani pissaanermik atuinermik nalunaarutiginnittoqartarsimannginnera isorisarialittut isigaara. Inassuteqaatigaara pisut pissaanermik atuisoqarfiusut tamarmik pissaanermik atuisarneq pillugu inatsit tunngavigalugu siunissami nalunaarutigineqartarnissaat PITU-p qulakkiissagaa, ombudsmandip nalunaarusiaani tamanna atuarneqarsinnaavoq.

Inatsisit nassuiarneqarlutillu sulisunut nassuiarneqarsimasut, PITU ilisimatitsivoq.

Pissutsit isorisariallit arlallit

Pissutsini allani isorisariaqartuni nalunaarusiani ilaatigut taakkartorneqartut tassaapput:

  • Noqartarnermut nakorsaatit igaffiup nerriviani saqqumisumiittut. Maanna paarnaartartumut inissinneqarsimalereerput.
  • Meeqqat angajoqqaallut pissaanermik atuinermut inatsimmik paasitinneqartassapput.
  • Ukiuni marlunni kingullerni ikuallattoornermut sungiusartoqarsimanngilaq.
  • Meeqqat ineeraanni pisatakitsoq.
  • Meeqqanut angajoqqaanullu illup malittarisassaanik tunniussisarneq.

Paaqqinnittarfimmik imminut pigisumik siullermeerluni ombudsmandi misissuivoq. Juulip aallaqqaataani 2017-imi paaqqinnittarfiit namminersortut ombudsmandip suliassaqarfianut ilanngunneqarput.

Nuummi Tasiilamilu misissuinerit marluk marsimi apriilimilu 2018-imi pipput.

- Paaqqinniffiit najugaqartuutiminnik paarsilluarnersut malittarisassanillu malinninnersut paasiniarneqarnissaat misissuinerit taakkua siunertaraat. Misissuinerni taakkunani paaqqinniffiup initai Ombudsmandip Ombudsmandeqarfimmilu sulisut misissortarpaat, kiisalu pisortaqatigiit, sulisut, najugaqartut ilaqutaasullu oqaloqatigisarlugit, ombudsmandi Vera Leth ilisimatitsivoq.

Nalunaarusiat taakku marluk atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER