kedsomhed
Meeqqat tarfiinnartut
Meerarpassuit ualikkut sumunnarfissaqartannginnerat politikerip ernummatigaa
Meeqqat amerlavallaat atuareernerup kingorna imminnut isumagisussanngortinneqartarput imaluunniit aneeqatigiittussanngortinneqartarlutik.
Tamanna ajornartorsiutinik pilersitsisarpoq.
Meeqqat pineqartut ilaat kiserliornerujussuarmik misigisimasarput. Allat assigiinngitsunik unioqqutitsisarput.
Aamma meeraqarpoq kipiluttussutigisaminnik meeqqanut allanut tutsitsisartunik.
- Susassaaleqileraangamik meeraqatiminnik qinngasaarilersarput. Imaluunniit aserorterisarlutik tillinniarlutilluunniit. Sumiluunniit pissanganartussarsiulersarput, Kommuneqarfik Sermersuumi kommunalbestyrelsimut ilaasortaq Monica Dorph (Siumut) oqarpoq.
4. klassimiit 10. klassimut atuartunut Nuummi ornittakkat paaqqutarinniffiusinnaasut amigaataanerannik ajornartorsiut kommunalbestyrelsip ukioq manna ataatsimiinnerani kingullermi saqqummiuppaa.
Nuummi susoqarnersoq Nuuk Ugeavisimi oqaluttuanik amerlanernik atuarsinnaavutit. Aviisi akeqanngitsumik uani pisiariguk: