atuartitsineq

Meeqqat qallunaatuinnaq kalaallisuinnarlu atuartinneqassappat?

Apeqqut tamanna, ullumi Inatsisartut aalajangiiffigissavaat. Meeqqat atuarfianni nukarlerni ilitsoqqussaralugu oqaatsit kisiisa atorlugit atuartitsisalernermi pitsaaqutigisinnaasai pitsaanngequtigisinnaasalu pillugit misissuititsinissamik, IA siunnersuuteqartuuvoq.

Inatsisartut, 5. juni 2014,
På dagsordenen i dag står blandt andet et forslag om at undersøge fordele og ulemper ved kun at undervise på børns modersmål i 1.- 3. klasse.

Ullumi Inatsisartuni ataatsimiinnerani meeqqat atuarfiini meeqqanut minnernut atuartitseriiaatsimut siunnersuut eqqartorneqassaaq.

Meeqqat atuarfianni nukarlerni ilitsoqqussaralugu oqaatsit kisiisa atorlugit atuartitsisalernermi pitsaaqutigisinnaasai pitsaanngequtigisinnaasalu pillugit Naalakkersuisut mississuitinneqarnissaannik, Peter Olsen (IA) siunnersuuteqartuuvoq.

Aamma atuaruk: Ilinniartut ikioqqusut

Meeqqat atuarfianinngaannit ilinniaqqinnissamut ingerlaqqittartut taamaallaat agguaqatigiisillugu 40 % missaannaaniittoq, Peter Olsenip siunnersuutiminik saqqummiussinermini tunngavilersuivoq. Tamanna annikippallaarpoq, Inatsisartuni ilaasortaq isumaqarpoq.

1. klassemi tuluttut atuartitsineq

Ippassaq Kommuneqarfik Sermersuumi meeqqat atuarfianni atuartut minnerit sapaatip akunneranut ataasiarlutik tuluttoortinneqartalernissaannik atuutsitsilernerata kingorna, siunnersuut suliarineqalerpoq. Tamannalu Demokraatit taperserpaat, taakkumi siunnersuutigineqartumimi allami isumaqarput, meeqqat atuarfianni 1. klasseni atuartunut tuluttoortitsineq piumasaqaataalissasoq.

Aamma atuaruk: Sermersuumi atuartut 1. klassimit tuluttut ilinniartinneqartalissasut

IA-p oqaatsit ilutsoqqusaralugit atuartitseriaatsimut siunnersuutaa akuerineqarnissaa naatsorsuutigineqarpoq, siunnersuummilu oqaatsinik piginnaasaqalertarneq pillugu immikkut ilisimasalittut suleqatigiissitaliamut pioreersumut ilanngunneqarnissaanut allannguutissatut siunnersuutigineqarpoq.

Demokraatillu tuluttut atuartitseriaaseq pillugu siunnersuutaat Naalakkersuisunit itigartitsissutigineqarnissaa naatsorsuutigineqarpoq, taakkumi isumaqarput immikkut ilisimasallit suliaminnik naammassinneqqaartariaqartut. Taamaammat tuluttut ilinniartitseriaaseq pillugu aalajangernissaq Naalakkersuisut kinguartikkusuppaat.

Aamma atuaruk: Ilinniartitsisut suliunnaarsinneqarsimanerat angajoqqaanut isumakulutsitsisoq

Powered by Labrador CMS