Meeqqat pisariaqartitsisut ajornerusumik atugaqalersinnaasut

Meeqqat ikiorserneqarnissamut pisariaqartitsinerpaat ulloq unnuarlu paaqqinniffinnik pilersitsisoqarpat ineqarnermut atugarisaat ajorseriaateqarsinnaapput

Meeqat ulloq unnuarlu paaqqinniffimmut inissinneqarsimasut nammineq ineqarnissamik piumasaqaatip avaqqunneqarsinnaanera periarfissinneqarpoq, ineeqqami meeqqamut pisariaqartitani malillugit aamma pequtaqarnissaa pisariaqarunnaassaaq.

Meeqqanut ulloq unnuarlu paaqqinniffinnik pilersitsineq ingerlatsinerlu pillugit Namminersorlutik Oqartussat nalunaarutaanni tamanna atuarneqarsinnaavoq.

Tassunga atatillugu Meeqqanut ulloq unnuarlu paaqqinniffinnik pilersitsineq ingerlatsinerlu pillugit Namminersorlutik Oqartussat nalunaarutaat 24. novembari 2017-imeersoq Isumaginninnermut Inatsisinillu Atuutsitsinermut Naalakkersuisoqarfiup suliaraa, taannalu 24. november 2017 atuutilerpoq.

- Ulloq unnuarlu paaqqinnittarfinnit massakkut atuuttunit illuutit pigineqartut eqquutitsinissaq ajornartippassuk, ineeqqap aaqqissuunneqarnissaanut piumasaqaatit (§7) Isumaginninnermi Aqutsisoqarfimmit akuersissuteqarnikkut avaqqunneqarallarsinnaapput, nalunaarummi erserpoq.

Nangillunilu:

- Akuersissutit piumasaqaatitallit tunniunneqarsinnaanerat ammaanneqarpoq, tassani piffissami ukiut pingasut tikillugit, akuerineqarnissamut piumasaqaatit malinnagit, immikkut akuersissummik tunniussisoqarsinnaalluni.

Meeqqanut ulloq unnuarlu paaqqinniffinnik pilersitsineq ingerlatsinerlu pillugit Namminersorlutik Oqartussat nalunaarutaannut iluarsaatamut missingersuut nassiunneqartoq allannguutinik aalajangersimasunik imaqarpoq, matumani:

  • Nammineq ineqarnissamik piumasaqaatip avaqqunneqarsinnaanera periarfissinneqarpoq, tamanna meeqqat ataasiakkat, matumani qatanngutigiit, ineqatigiissinnaanerat perorsaanermi pisariaqartinneqartutut isigineqarpat.
  • Ulloq unnuarlu paaqqinnittarfinnit massakkut atuuttunit illuutit pigineqartut eqquutitsinissaq ajornartippassuk, ineeqqap aaqqissuunneqarnissaanut piumasaqaatit Isumaginninnermi Aqutsisoqarfimmit akuersissuteqarnikkut avaqqunneqarallarsinnaapput.
  • Akuersissutit piumasaqaatitallit tunniunneqarsinnaanerat ammaanneqarpoq, tassani piffissami ukiut pingasut tikillugit, akuerineqarnissamut piumasaqaatit malinnagit, immikkut akuersissummik tunniussisoqarsinnaalluni.
  • Kommunalbestyrelsit meeqqanut ulloq unnuarlu paaqqinniffinni inissiineranni ullormut unnuamullu akigititami sullissinerit suut ilaatinneqarnersut pillugit erseqqissaasoqarpoq.

Taamaattoq meeqqat perusuersartarfimmut uffarfimmullu atugarisaat ajorseriaateqartinneqassanngilaq.

Missingersuummut nassiunneqartumut oqaaseqaataasinnaasut Isumaginninnermut Inatsisinillu Atuutsitsinermut Naalakkersuisoqarfimmut nassiuteqquneqarput kingusinnerpaamik ulloq 7. november 2018.

Powered by Labrador CMS