inatsisit
Meeqqat pillugit inatsisip meeqqat pisinnaatitaaffii qulakkiissavai
Naalakkersuisut meeqqat pillugit inatsimmik nutaanik pilersitsinermikkut meeqqat pisinnaatitaaffiisa malinneqarnissaat qulakkeerniarpaat qitiufumik siunnersuisartut takutimmassuk kommunit meeqqanik sullissinerat pitsaanngitsuusoq
Ilaqutariinnermut, naligiissitaanermut, isumaginninnermut inatsisinillu atortitsinermut Naalakkersuisup Martha Lund Olsenip novembarip 18-ani meeqqat inuusuttullu pillugit inatsisissatut siunnersuut Inatsisartunut saqqummiutissavaa.
Inatsisissatut siunnersuut pinngorpoq paasineqarmat kommunit meeqqanik inuusuttunillu sullissinermut pikkorluttut.
Atuaruk: Meeqqanut atugarliortunut Nuummi katsorsaavik
Meeqqanik suli inunngunngitsunik illersuineq
- Siorna qitiusumik siunnersuisarfiup pinersinneqarata kingorna paasineqarput kommunini meeqqanut inuusuttunullu suliarpassuit uninngaannartut iliuuseqarfigineqarnatillu.
- Taamaattumik inatsisissatut siunnersuummi allassimavoq kommunit suliamik aallartitsigaangamik meeqqanut inuusuttunullu tunngasumik ullut tallimat qaangiutsinnagit nalilerneqassasoq suliami qanoq ingerlaqqittoqassanersoq. Inatsisissatut siunnersuut tusarniaassutigigatsigu akunnerit 24-t taaneqaraluarput, suliapassuilli peqqutigalugit kommunit tamanna malikkuminaatsissammassuk ullunut tallimanut allanngortinneqarpoq. Qaasuitsulli Kommuniani Maniitsumilu akunnernik 24-nik maleruagassaqarneq malinneqalereerpoq, Martha Lund Olsen oqarpoq.
Inatsisissatut siunnersuut Inatsisartuni akuerineqassappat siunissami meeraq suli inunngorsimanngitsoq aamma illersorneqassaaq angajoqqaat atornerluisuuppata.
Atuaruk: Meeqqanut inuusuttunullu atugarliortunut sullissineq nukittorsaraat
Allaaserisaq tamaat Sermitsiami saqqummertumi kingullermi atuaruk. Aviisi uani aamma pisiarinissaanut periarfissaqarputit: