Meeqqat sumiginnakkat
Meeqqat pillugit akerliussutsimik takutitsineq
Meeqqat sumiginnakkat pillugit akerliussutsimik takutitsisoqarneraniit ullumikkut ukiut qulit qaangiupput. Ingerlaaqatigiinnissamullu piffissanngoqqissimasoq, 'innuttaasut ernumassutillik' isumaqarput.
Nunatsinni meeqqat atugaat pillugit akerliussutsimik takutitsisoqarneranit ullumikkut ukiut qulit qaangiupput. Inuit tusintit missaat Nuummiinnaaq akerliussutsimik takutitsipput. Taassuma saniatigut Nanortalimmi, Ilulissani, Sisimiuni, Qaqortumi Narsamilu akerliussutsimik takutitsisoqarpoq.
Aamma atuaruk: Inuit 1000-t sinnerlugit akerliussutsimik takutitsipput
Taamanikkumiillu susoqarsimarpiarsimannginnera pissutigalugu ingerlaaqatigiittoqartariaqartoq, 'innuttaasut ernumassutillik' isumaqarput.
- Ukiut qulit ingerlareeraluartut allanngorpallaartoqarsimanngilaq. Meeqqat 5000-it atugarliuuteqarput, tamanna ataatsimoorluta iliuuseqarfigisinnaavarput iliuuseqarfigisariaqarparpullu. Meeqqat amerlanerujussuit inuunerissuussariaqarput, aaqqissuisuit nalunaarummi allapput.
Taakku ullumi nalunaaqutaq 16.30 Nuummi katersortarfiup silataaniit ingerlaaqatigiissapput.