Tissisaarisartunik tikeraartoqarneq
Meeqqat peqqissaavimmi uninngasut kingusinaarlutik meeqqat ulloqartut
Sisamanngormat Meeqqat Ulloraat Nunarput tamakkerlugu nalliuttorsiutigineqartoq. Ullumi meeqqat nappaammik eqqorneqarsimasut Dronning Ingrids Hospitalimi uninngasut nalliuttorsiortinneqarput.
Meeqqat siniffimmi nalasut puigorneqassanngillat oqariartuullu tamanna "Lastbiler for børn" Meeqqanut Lastbiilit Godthåb Transportservice peqatigalugu Dronning Ingrids Hospitalimi aaqqissuussipput.
Tissisaarisut- emblemiat
Nunarsuaq tamakkerlugu tissisaarisartut vicepræsidentia Njetski Sanap nammineq tissisaarisartua Miki peqatigalugu meeqqat aliikkusersorpaat. Tissisaarisartut qalipaatigissaaqisut quianarluinnartullu aliikkusersuipput aamma allaat Miki saqqarmiuusamik tunitippoq, Sanami tissisaarisartoq maanna nunarsuarmi tamani tissisaarisartut akornanni ikinnguteqalerneranit uppernarsaaserlugu.
Meeqqat aliikkusersortinnerminnut atatillugu aamma lastbiilit angisuut iluaniit takunissannut periarfissinneqarput, misigisaq nuannissaqaaq kiisalu aamma lastbiilinik aquttussanngornissap aqqutaa nalunanngitsumik qularnaatsuuvoq.
"Lastbiler for Børn" aaqqissuussisuupput. Taakku peqatigiiffiupput danskit peqqissaaviinut lastbiiliminnik angalasartut, meeqqat uninngasut ilaqutaallu lastbiilit silattaanit iluaniillu takuniarsinnaangorlugit.