Monday, February 12, 2018 - 07:14

Meeqqat Nunatsinnik uummateqarfillit

Kalaallit meeqqat Danmarkimi najugaqartut nunatsinnut angerlersernertik pillugu erinarsuusiaat 'Find Home' takuuk

Erinarsuut 'Find Home' Nunarput pillugu eqqarsaateqartuarneq erinniaavoq.

Erinarsortartoq inuusuttoq Poul Peter Lorentzen, eqqartorneqartoq taalliaralugulu musikvideo suliaraa. Peqatigiiffik Kalaallit Meerartaat suleqatigalugu una suliarineqarpoq.

- Poul Peter Lorentzen kalaaliuvoq Danmarkimi peroriartortoq. Kalaallit Nunaat pillugu ilisimasani taalliaraa, peqatigiiffimmit Jeppe Bülow Sørensen oqarpoq.

Peqatigiiffiup Aalborgimi niviarsiarartaat suleqatigalugit musikvideo suliarineqarpoq.

Aalborgimi ataatsimiittoqarnerani una suliariniarlugu takorluugaqalerpoq.

- Kalaallit Nunaat pillugu ataatsimiittoqarnissaa ukioq kingulleq sulissutigalugu una suliariniarlugu eqqarsaatigilerpaa. Kalaallit meerartaasa oqaluttuaat saqqummersinniarneqarpoq. Kalaaliulluni Danmarkimi peroriartorneq eqqartorneqarpoq, tassanilu Kalaallit Nunaannut atassuteqarusunneq aamma sammineqarluni, Jeppe Bülow Sørensen oqarpoq.

Seneste nyheder / Nutaarsiassat kingulliit