inuusuttut
Meeqqat nuanniilliuteqartut 900-nit amerlanerusut SMS-ertut
MIO-p SMS-ikkut siunnersuisarfia siorna ulapiffiuvoq. Kinguaassiuutitigut atornerluinerit aamma ilaqutariinni ajornartorsiutit saaffiginnissutinut pissutaanerpaat ilagaat.
2016-ip ingerlanerani meeqqat 922-t 1899-imut SMS-imik nassiussisimapput.
Meeqqat 922-t meeqqat illersuisoqarfianit MIO-mit siunnersorneqarnissaminnik pisariaqartitsisut. Meeqqat 922-t ilaquttaminni ajornartorsiuteqarnermit aamma kinguaassiuutitigut atornerlunneqarnermit imminullu toqoriarsimallutik nuannaanngitsut.
MIO-p ukiumoortumik nalunaarutaani saqqummeqqammertumi tamakku atuarneqarsinnaapput. Meeqqat arlallit ataasiaannarnatik saaffiginnittarput.
Saaffiginninnernut pissutaanerpaasut ilagaat kinguaassiuutitigut atornerlunneqarnermut tunngapput. Tamanna pillugu saaffiginnittut katillutik 65-iupput.
Aamma ilaqutariinni angajoqqaarsianiluunniit ajornartorsiornerugajupput. Tamanna meeqqat 56-eriarlutik SMS-erutigisimavaat.
Pissutaanerpaasorli tassaavoq, meeqqat suna nuanniilliutiginerlugu oqaatiginagu saaffiginnittarsimanerat. 121-eriarluni taamatut saaffiginnittoqarsimavoq.
Saaffiginnissutit amerlanerpaat inuusuttunit 14-it aamma 17-it akornanni ukiulinninngaanneerput.