meeqqat atugarliortut
Meeqqat navianartorsiortut akunnerit 24-t iluanni ikiorneqartassapput
Meeqqat atornerlunneqarnerannik pasilliisoqartillugu kommunit piaartumik qisuariartassapput. Inatsisip nutaap tamanna aalajangersarpaa.
Meeqqat pillugit suliat imaannaanngitsut pujoralammik katersillugit uninngaannarunnaassapput.
Meeqqat ikiorniarlugit inatsisip nutaap tamanna aalajangersarpaa.
Kommunit paarsinerluttoqarsimaneranik, persuttaasoqarluni aamma kinguaassiuutitigut atornerluisoqarneranik nalunaaruteqarfigineqarunik piaartumik kingusinnerpaamik akunnerit 24-t iluanni qisuariartarnissaat inatsisip aalajangersarpaa.
Aallaqqaammut inatsisissatut siunnersuummit tamanna annertuummik sukaterineruvoq, tassani kommunit ulluni pingasuni suliffiusuni qisuariarnissamut periarfissaqaraluarput. Taamaalilluni weekend ilanngukkaanni ullut tallimat ingerlapallassinnaasarput.
Ataatsimut isigalugu inatsisip meeqqat isumannaannerulersitsineq nukittorsassavaa, taamatullu meeqqanut atugarliortunut tunngatillugu kikkut sunik suliassaqarnerinik ersarinnerusumik nassuiaateqassalluni.
Inatsisartut tamarmiusut inatsimmik akuersipput.
Aamma atuakkit:
Siunnersuut: Atornerluisoqarneranik pasillertoqarneranut kommunit erngerlutik qisuariartassapput
Sara Olsvig: Meeqqat tamarmik assigiimmik pineqartassapput