Meeqqat kammaannut nersornaat

MIO aamma Nunafonden ukioq manna aamma inummik peqatigiiffimmilluunniit meeqqanut immikkut ittumik sullissisimasumik nersornaasiiniarpoq.

Aaqqiissutitsialaat
Nersornaasigassat tassaasinnaapput inuit ajornartorsiutinut imaaliallaannaq aaqqinneqarsinnaanngitsunik periarfissaaleqigaluarlutik nutaamik isummersorlutik aaqqiissutaasinnaasumik ujartuillutik piviusunngortitsisut.

Meeqqanut inuusuttunullu immikkut ittumik sullissisuusinnaapput aaqqissuussamik suliaqarnermikkut, peqatigiiffiusinnaanvoq suleqatigiiffilluunniit, imaluunniit sumiiffimmi namminerisamik piumasutsini tunngavigalugu suliaqartuusoq.

Nersugaaneq
MIO-p nersornaasiuttagaa meeqqat pisinnaatitaaffiisa naammassineqarnissaat anguniarlugu sullissinermut pitsaasumut nersortarialimmullu nersornaasiinerussaaq. Nersornaatip aningaasartai 20.000 koruunit Nunafondenimit aningaasaliissutaapput.

Nersornaat novemberip 20-ani ukioq manna tunniunneqassaaq - FN-ip meeqqanut isumaqatigiissutaata malunnartinniarnerani.

Atuaruk: MIO-p meeqqanik sullissinermik nersornaataa Inooqammut tunniunneqarpoq

Inooqat nersornaaserneqartoq
MIO-p 2013-imi Inooqat nersornaaserpaa, taanna tassaavoq nuna tamakkerlugu angajoqqaat ineriartornermigut akornutilimmik meerallit kattuffiat, ukiup tullianilu MIO-p Lena Ravn Davidsen nersornaaserpaa, meeqqanik inuusuttunillu kajumissutsini aallaavigalugu sullissilluarnini peqqutigalugu.

Kikkuulluunniit innersuussisinnaapput, kingusinnerpaami oktoberip 30-ani MIO-mut tunniussisoqarsinnaavoq.

Atuaruk: Iluliarmiu sullissiumatooq MIO-mit nersornaaserneqartoq