Nuuk
Meeqqat juulliannut peqataasussat nalunaarsorfiat tammartoq
Peqatigiiffik Nanu Børn-p Nuummi 'Meeqqat Juulliat 2017'-imut peqataaniarlutik nalunaarsimasut nalunaaruteqaqqinnissaannik qinnuigai
Juullimi aaqqissuussinermut peqataaniarluni nalunaarutit ilaat kukkunikkut annaaneqarsimasut, Nuummi 'Meeqqat Juulliat' aaqqissuisuisa Nanu Børn-p paasissutissiaraa. Taamaammaat peqataaniarlutik nalunaarsimasut nalunaarutiginneqqissapput. (Peqataanermut ilitsersuut allaaserisap naqqani takujuk)
Ilaqutariit juullimi immikkut pisariaqartitsisut aningaasakilliornermillu atugallit meerartaannut juullimut tunissuteqarneq, juullisioqatigiinnermik aaqqissuussineruvoq, peqatigiiffik Nanu Nørn paasissutissiivoq.
Peqatigiiffik ukiut qulingiluassaanik meeqqanut juullisiortitsilluni aaqqqissuussivoq.
Annertusisamik aaqqissuussineq
- Ukioq manna aaqqissuussineq annertusillugu arfininngornermi ulloq 23. december nal. 11-18-imut juullimi pinnersaasiuutigaluni juullillu orpiliaanik pinnersaaneq sapaammilu 24.-ni nal 11-22-mut juullisioqatigiinneq, juullimi unnukkorsioqatigiinneq, orpiliarneq, meeqqallu takkuttut tamarmik tunissuteqarfigineqassapput, aaqqissuisut ilaat Michael Williams allappoq.
Aaqqissuussineq, sapaammi ulloq 24.december nalunaaqutaq 22.00 naammassissaaq, aaqqissuussinerullu naammassinnginerata nalaani bussit unereersimasussaammata, peqataasut tamarmik Nanu Børn-p akiligaanik taxartoqarsinnaassaaq, aaqqissuisut paasissutissiipput.
Peqataaniarluni naluaarutit ugguuna pisinnaapput tlf/SMS +299 54 74 03 imaluunniit Facebook-mi: ”Børnenes Jul 2017". Mailikkullu allaffissaq michael@williams.at.