Meeqqat Inuunerissut aningaasanik tapertittut

Stark Kalaallit Nunaanni pisiniarfiutaani tallimani 2013-ip ingerlanerani matuersaatersinermi puussiarsinermilu pisisut koruunimik ataatsimik akiliisarput, taaku katinneri 30.000-nit Meeqqat Inuunerissunut/Bedre Børnelivimut tunniunneqarput.

Saniatigut Starkip suliffeqarfiit suleqatigisartagaat 19-it katillugit 100.000 koruunit katersaat Meeqqat Inuunerissunuttaaq tunniunneqarlutik.

Siunissami suleqatigiinnissaq

Meeqqat Inuunerissut /Bedre Børnelivimut siulersuisuinut checki qanittumi tunniunneqarpoq.

- Uagutsinnut pissusissamisoorluinnarpoq inuiaqatigiit akuuffigisagut tapersersornissaat, minnerunngitsumik meeqqat inuunerulernissaannik suliniut Starkimit tapersersornissaa pingaartipparput, tuniniaanermi pisortaq Glenn Boyer oqarpoq.

Meeqqat Inuunerissut / Bedre Børneliv 2008-mi pilersinneqarpoq, kalaallillu meerartaasa pisinnaatitaaffii pillugit suliaqartarlutik. Ukiunut 2014-17-mut susoqassanersoq nalunaaruteqassapput, Starkillu aningaasanik tapersiinera iluaqutaassaaq.

- Starkimik suleqateqarnerput MIBB-mi siulersuisuni suliniarnitsinni pingaaruteqartutut isigaarput peqatigiiffimmit nutaqqamiit naalakkersuinikkut pituttugaanngitsumik pitsaassuseqarluartumik suliniuteqarnermut ingerlatsinitsinni, nuannaarutigeqaarput, Meeqqat Inuunerissut / Bedre Børnelivimi siulittaasoq Katrine Hjelholt Nathanielsen oqarpoq.