Nanortalik
Meeqqat inuuneri atuakkami assinilu assilianngortinneqartut
Nanortalimmi aasaq illoqarfiup meerartaannut sammisaqartitsilluni Camp Nuannertitsisoqarpoq. Aaqqissuussaq pillugu maanna atuagaq asserpassuillu saqqummersinneqalerput
Peqatigiiffik Kalaallit Meerartaat Mellemfolkeligt Samvirke / ActionAid Denmarkilu peqatigalugit aasami tammaarsimaarneq Camp Nuan Nanortalimmi aaqqissuunneqarpoq.
Kajumissutsiminnik sulisut Canadamit, Ruslandimit, Tyrkietimit, Frankrigimit, Englandimit Kalaallit Nunaannit Danmarkimiillu 20-it Kujataani illoqarfimmi meeqqat immikkooruteqarluinnartunik aasami misigisaqartinniarlugit peqataapput.
Meeqqat inuunerat
Maanna Peqatigiiffik Kalaallit Meerartaat illoqarfimmut uterlutik tapersersorneqarluarnertik pillugu qujajartorput. Atuakkamik assinillu illoqarfimmit meeqqanillu imalimmik nuannerluinnartumik nassarput.
- Atuagaq Camp Nuan pillugu assilianik oqaluttuarpoq, Nanortalimmilu meeqqat inuuneri oqaluttuaralugit, taanna 450-inngorlugu saqqummersinneqassaaq, Gunver Justesen tusagassiiuutinut nalunaarummi allappoq.
Piffissamut nuannersumut eqqaasitsisussaq
Meeqqat 80-init amerlanerusut nammineq assilisaminnik atuakkamut ilanngussaqarput.
- Aasaanerani tammaarsimaarnermit meeqqat atajuartussamik eqqaamasassinniarlugit atuakkamik saqqummersitsineq siunertaqarpoq. Eqqaasitsissut atuakkamut nammineq assiliinerminnik pilersitseqataaffigisartik, suliniummik aqutsisoq oqarpoq.
Atuakkap saqqummersinneqarnerata saniatigut, illoqarfiup atuarfiani assinik saqqummersitsisoqassaaq, tassani Peqatigiiffik Kalaallit Meerartaat saqqummersitsissaaq. Assit Nicola Abrahamimit, Camp Nuannimi kajumissutsimik suleqataasumit assilisaapput.