Skip to main content

Meeqqat illersuisuat: Meeqqat qisuariaatigisartagaat sammineqarlik

- Meeraq sakkortuumik ingasattumillu qisuartaruni tamanna meeqqap pitsaanngitsumik atugaqarneranik takutitsisuuvoq, meeqqat illersuisuat Aviâja Egede Lynge oqarpoq. Ilinniartitsisut kattuffiata imminut illersornissaq pillugu pikkorissaanissamik piumasaqarnerisa kingorna, taama oqarpoq.

Meeqqat Illersuisuata Aviâja Egede Lyngep kaammattuutigaa, meeraq taamak sakkortutigisumik sooq qisuariartarnerata tunuliaqutaa paasiniarneqartassasoq, ikiortariaqarpallu ikiorneqartassasoq

Ilinniartitsisut kattuffiata IMAK-p atuarfeqarfinni meeqqat sakkortuumik qisuariartarnerannut ajornartorsiutaaleriartuinnarmat ilinniartitsisut imminnut illersorsinnaanissaat anguniarlugu pikkorissaanermik ujartuinerata kingorna, meeqqat illersuisat taama kaammattuuteqarpoq.

Meerarpassuit MIO’mik oqaloqateqartarnerat aallaavigalugu Meeqqat Illersuisuata ajornartorsiut ilisarisinnaanerarpaa.

Atuaruk: Ilinniartitsisut imminut illersornermut pikkorissaanerit piumasariniaraat

Aviâja Egede Lyngep oqaatigaa, ajornartorsiut imaannaanngitsoq pineqartoq, taanna naapertorlugu meeqqat inersimasullu soriarsinnaannginnerannik oqariartuutaavoq.

- Kommunet tamaasa aqqutigalugit paasereerparput ajornartorsiut annertusigaluttuinnartoq. Meeqqallu oqaloqatigisarneranni nalunngilarput meeqqat ajornartorsiutinik annertuunik nammataqartut, soorlu paaqqutarineqarnermik qanilaassutsimillu amigaateqartut, kanngutsaatsuliorfigineqartartut allanillu annertuunik ajornartorsiuteqartut, aammali meeqqat killissaminnik ilinniartinneqarsimanngitsut, naak tamanna pisinnaatitaaffigigaluarlugu, Aviâja Egede Lynge tusagassiuutinut nalunaarummi oqarpoq.

Taamaammaat taassuma neriuutigaa nuna tamakkerlugu meeqqat tarnimikkut eqqarsartaatsimikkulli qanoq innerat pillugu misissuisoqarumaartoq.

- Meeraq tarnikkut ikiorneqarnissaminut pisinnaatitaaffeqarpoq. Pisinnaatitaaffillu taanna aallaaveqarpoq Naalagaaffiit Peqatigiit Meeqqat Pisinnaatitaaffii pillugit Isumaqatigiissutaanni allagaqaat 39-mi, taassumalu eqqortinneqarnissaa Kalaallit Nunaata pisussaaffigaa. Meeqqat pissusilersuutaat ikioqqunermik oqariartuutaapput. Uagullu ikiussallugit akisussaassuseqarpugut, meeqqat illersuisuat oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER