Meeqqat illersuiniaqatigiiffiat: Ajunaarnersuaq pillugu meeqqat oqaloqatigisigit

Uummannap eqqaani pisut ilungersunartut sapaatiummat unnukkut internettikkut, radiokkut tv-kkulli sammineqangaatsiarput.

- Nutaarsiassat apeqquterpassuarnik tunisipput, taakkulu akineqartariaqarput meeqqat takorluuinermik killeqanngitsumik takorluuilernissaat pinngitsoorniarlugu, meeqqanik illersuiniaqatigiiffik Nakuusa Facebookimini taama allappoq.

Pisoq angajoqqaajusutut qanoq akiorneqassanersoq assigiinngitsunik sisamanik siunnersuuteqarfigai.

Siunnersuut siulleq, meeqqat kisimmiillutik tv-kkut isiginnaassaanngillat imaluunniit kisimiillutit radiokkut tusarnaartinneqassanatik.

Tullertut pisoq nipangiusimanaveersaarutigineqassaaq, taamaaliornikkut meeqqap takorluugassai nutaat pilersinngitsoorneqassammata.

Ingattarsinngitsumik akissuteqartoqassaaq, sapinngisamillu ajornanngitsumik pisut ilaartornagit oqaluttuarit.

Meeqqat oqaluttuuguk inersimasut sapinngisartik tamaat Nuugaatsiami innuttaasunut pisariaqartitsisut ikiorniarmatigit.

Allaaserisap ataani siunnersuutit inerusumik atuarsinnaavatit.