Ilageeqarneq
Meeqqat illersorneqarnissaat palasit atsiussavaat
Meeqqat illersorneqarnissaat palasit atsiussavaat.
Palasit Qeqqaniit, Tunumiit Kujataaneersulli ulluni pingasuni Nuumi pikkorissartinneqarsimanerat, biskopeqarfiup paasissutissiaraa.
Meeqqanut politikki nutaaq
Palasit sakkussanik ilisarsinissamut meeqqanit ajornartorsiutigineqartunit, nalunaartussaatitaanermut pisussaaneq il.il. aammalu naggataatigut meeqqat illersorneqarnissaanut malittarisassanut atsiortoqarpoq Biskopi Sofie Petersen aammalu meeqqat illersuisuat Aviâja Egede Lynge najuuttoralugit.
- Meeqqat illersorneqarnissaanut malittarisassatigut immikkuullarissumik, naalaarluarnikkut aamma asannittumik meeqqanut isiginninnermik, eqeersimaartumik tusarnaarnitsigut aammalu ataqqinninnissamik meeqqat nipaannut kiisalu aamma nukissat tamaasa atorlugit meeqqanut innarliisarnerup nungutitsiniarnissaanut akisussaaffinnut oqaluffiup iluani avataanilu, biskopeqarfiup tusagassiuutinut nalunaarutaani allassimavoq.
Tamarmik atsiussasut
Qaammatini aggersuni sulisut tamarmik Kalaallit Nunaanni Ilagiinni meeqqat illersorneqarnissaanut malittarisassamik atsiorsimassasut, paasissutissiarineqarpoq.