Meeqqat ulluat
Meeqqat eqqumiitsuliaat Taseralimmi
NAPA aaqqissugaannik meeqqat eqqumiitsuliaannik saqqummersitsinissamut, kulturikkut illorsuaq Taseralik NEBULA-lu aggersaapput. Saaqqummersitsineq taajuuserneqarsimavoq 'Anaanaga'.
Ileqqut malillugit Sisimiuni Kulturikkut illorsuup Taseraliup meeqqat eqqumiitsuliaat meeqqat ulluani juunip ulluisa aallaqqaataani saqqummersissavaat.
Saqqummersitat Taseraliup isiginnaartitsisarfiup silataani juunip 11-at tikillugu takuniarneqarsinnaassapput.
Ukiuni arlalinngortuni Taseralik Sisimiuni meeqqat atuarfii, meeqqeriviit allallu suleqatigalugit meeqqat eqqumiitsuliaannik saaqummersitsisarpoq. Massakkut meeqqat nunatsinneersut titartartagaat NAPA – Nunani Avannarlerni Piorsarsimassutsikkut Attaveqaat – suleqatigalugu saqqummersinneqassapput.
Titartakkani meeqqat ulluinnarni nalunngisatik aallaavigalugit anaanaminnik titartagarisimasaat takuneqarsinnaapput. Assinik isiginnaartuusugut, meeqqat silarsuaanni immikkorluinnaq misigisaqartippaatigut. Anaanaqarnerup meeqqat silarsuaanniit qanoq isumaqarnersoq takuarput.
Saqqummersitat meeqqat meeraqatiminnut titartagarisimavaat, meeqqalli angissusaat aallaavigalugit saqqummersinneqassallutik, inersimasut titartakkanik iluamik takunnikkusuttut seeqqumianngikkuni peqeqqaartariaqassapput.