sumiginnaasarneq
Meeqqat atugarliortut pillugit ataatsimiinneq
Meeqqanik persuttaasarneq pillugu kulturikkut illorsuarmi Katuami nunat assigiinngitsut peqataaffigisaannik ataatsimeersuartoqassaaq
Nunanit avannarlerneersut peqatigalugit meeqqat atugarliortut pillugit ataatsimeersuartoqassaaq Nuummi kulturikkut illorsuarmi Katuami, taanna inunnit 250-it missaanniittunit peqataaffigineqassaaq. Ataatsimeersuarneq Nordisk Foreningimit aaqqissorneqarpoq, tassani meeqqanut persuttaasarnerit sumiginnaasarnerillu eqqartorneqassallutik.
Marlunngornermit sisamanngorneq ilanngullugu ataatsimeersuartoqassaaq, tassani meeqqanik atugarliuteqartunik ilisimasallit saqqummiussissallutik.
Ilaatigut tuluk Nigel Thomas saqqummiussissaaq, taassuma meeqqat inuusuttuaqqallu pissusaannik ilisimatuujuvoq. Dr. Dag Øystein Nordanger Norgemeersoq aamma saqqummiussissaaq, tassani meeqqat peroriartorneranni meeqqat ajoqusernermik kingunerlutsitsisarnerannik ilisimasaqartuuvoq, Danmarkimeersoq Bente Adolphsen meeqqat oqariartuutigisartagaat pillugit saqqummiussissaaq, tassani meeqqat sumiginnakkat sammineqassallutik.
Ataatsimeeqatigiinnermi aamma paasititsiniaasoqassaaq, sisamanngorpallu ataatsimeersuarneq naammassissalluni.