Nuuk
Meeqqat atuartut bussernermi qanoq ileqqoqarnissaq sianigisaqarfiginnilaat
Nuup Bussiisa meeqqanut atuartunut bussinik aaqqissuussinnerat taamaatinneqarmalli, meeqqat ingerlaarfinni pissusilersuutigisartagaat pillugit naammagittaallutit takkussuuttualerput
- Ingammik utoqqaat meeqqat atuartut pillugit naammagittaalliortarput. Ajornartorsiullu tamanna iliuuseqarfiginiarlugu, aaqqissuutissamik maannakkut ujaasivugut. Tamattami inissaqartariaqarpugut, Nuup Bussiini allaffimmi pisortaq Ulla Larsen oqarpoq.
Ajornartorsiutit novembarimi aallartipput, bussiutileqatigiiffik pisaariillisaaniarluni illoqarfimmilu bussit ingerlaartarnerini piumasaqaatit annertusiartortut iliuuseqarfiginiarlugit aaqqissuussiniarluni aalajangermat. Tamatumalu malitsigisaanik ilaatigut meeqqanut atuartunut bussit taamaatinneqarput, meeqqallu atuartut taamaalillutik ingerlaarfinni ullaaralaannguamiit unnukkut arfernup tungaanut akeqanngitsumik ilaasinnaanngorlutik.
Ajornartorsiutit naammagittaalliutigineqartartut tassaapput, meeqqat atuartut innimiilliortarnerat utoqqarnullu pitsullortunut issiavinnik inangeeqqasarnerat, kiisalu ingerlaarnermi nipiliorlutillu eqqissiviittarnerujussuat.
Allaaserineqartoq Nuuk Ugeavisimi tamaat atuarneqarsinnaavoq. Nuummi pisartut pillugit aviisimi aamma allanik atuartoqarsinnaavoq. Aviisi akeqanngitsumik ataani aaneqarsinnaavoq: