Skip to main content
WWF

Meeqqat atuarfiini atuartut pinngortitami atuartinneqassapput

Aasaru Nuup atuarfiini arfinilinni pinngortitalerinermik atuartitsissutit pinngortitamut nuunneqassapput

Nunarsuarmi pinngortitaq pillugu suliniaqatigiiffissuaq WWF aasamut meeqqanut atuartitseriaatsimik nutaarluinnarmik aaqqissuussissaaq.

Meeqqammi atuarfiini atuartut angajulliit immikkuullarissumik atuartitseriaasissaq aallartinneqassaaq, aasamulli naliginnaasumik meeqqat atuarfiini pinngortitalerinermik atuartitsissutit akunnerit amerlasuut suliniummik taarserneqassapput.

- Suliniut taaneqarpoq pinngortitaq misigalugu, WWF tusagassiuutinut nalunaarummi allappoq.

- Upperaarput nutaaliaasumik atuartitseriaaseq atorlugu, pinngortitap paarinissaa piujuaannartitsinermillu tunngaveqartumik inuuneqarnissap qanoq pingaaruteqartiginera, atuartunit paasineqarsinnaasoq. Piffissami, silaannaap pissusaata inuiaqatigiillu kalaallit inooriaasiisa allanngoriartornerani, pingaaruteqarluinnarpoq, Nunarsuarmi pinngortitaq pillugu suliniaqatiiffissuarmi WWF-imi allattaaneq Bo Øksnebjerg oqarpoq.

Atuartitsinermilu aammattaaq pingaaruteqarpoq atuartut kalaallit ileqqui naleqartitaallu pinngortitamut attuumassutillit pillugit ilisimasanik ingerlatitseqqiinissaq. Suliniut, kalaallinik soqutigisallit suleqatigalugit ilaatigut atuartitseriaatsimik ilisimasallit, ilinniusiortut Nuummilu atuarfiit qanimut oqaloqatigalugit, pilersinneqarpoq.

- Ungasinnerusoq eqqarsaatigalugu atuartitseriaaseq illoqarfinnut nunaqarfinnullu amerlanernut siammarterneqarnissaa anguniagaavoq, Nunarsuarmi pinngortitaq pillugu suliniaqatigiiffissuaq allappoq.

Kommuneqarfik Sermersooq, Namminersornerullutik Oqartussat Nuummilu atuarfiit suleqatigalugit suliniut pilersinneqarpoq
Novo Nordisk Fondenimiillu 1 million koruuninik aningaasaliiffigineqarsimalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER