Meeqqat atuarfianni ilinniartitsisut atuartitseriaatsinut nutaanut piareerput

Pikkorissaqqammertut pikkorissarnerminni atuartitseriutsini piginnaasat nutaat pissarsiaat isumaqarput aamma meeqqat atuarfiini peqqussutip nutaap, 2012-meersup, imarisaanik ulluinnarni 4. klassiniik 7. klassit akornanni atuartitsinermi atuutsitsisinnaanngornerinik.

Assit: Gammeqarfimmi atualeqqaartoqarpoq

Atuarfitsialak
1990-ikkunni Atuarfitsialak aallartinneqarmat angajoqqaat atuartuutillit tamarmik eqqaamassavaat.

Taamanikkorninngaanniillu meeqqat atuarfianii atuartitseriutsit ‘meeraq qitiutillugu’-mik anersaaqarluni ineriartortittuarnerat peqqussutit aqqutissiuussisoralugit ingerlanneqartarsimavoq, taamaasilluni ilinniartitsisut piginnaasaasa nutartertarnerisigut ilinniartitsisut suli pittaanerujartortumik atuartitsinerminni sakkussaqalersimallutik.

Gammeqarfimmi ilinniartitsisunit kissaatingineqarsimavoq meeqqat ataasiakkaarlugik pinginnaasaannik, ilisimasaannik inuttullu sumut killiffeqarnerinik tappinnerulernissaq.

Sukumiisumik perorsaaneq
- Sukumiisumik perorsaanermik atuartitsisinnaanermut nakuunerulernissaq siunertaraarput. Sukumiisumik qulakkeerisumillu perorsaariaaseq tassaavoq atuartitseriaatsip 2008-mi inerisarneqarsimasup, taaguutillip ‘aktivitetscenter’-ip iluani inissisimasoq.

- Pikkorissarnitsinni ilinniarparput atuartup pinginnaasaasa, qanorlu immineq isummersinnaanerata, tappiffinginerulernissaat. Pikkorissarnerpullu una ilinniartitsisunngorniarluta ilinniangarinikuusatsinnut itisiliineruvoq.

- Ukioq kingulleq Inerisaaviup internet-ikkut quppernerani pikkorissaatigineqarsinnaalersimasoq takungatsigu aalajangersimavugut qinnuteqaatiginiarlugu, oqaluttuarput Gammeqarfimmi akullerni ilinniartitsisut, Raara Ostermann-Søholm aamma Kaja Olsen.

Pikkorissarneq taanna minnerni angajullernilu atuartitsisunik aamma ukiup tulliani pikkorissaatigineqarumaartoq oqaatigineqarpoq.