kriminalitet
Meeqqat atisaqanngitsut asserpassui
Utoqqalinersiutilik meeqqat atisaqanngitsut assinginik filmilianillu naatsunik 50.000-it sinnerlugu pigisaqartutut unnerluutigineqarpoq. Angut pisuunnginnerarpoq. Alapernaaginnarsimalluni illersuisuminut eqqartuussivimmit toqqakkamut eqqartuussissuserisumut Anders Meilvangimut nassuiaasimavoq
Qallunaaq 74-inik ukiulik Nuummi najugaqartoq meeqqat atisaqanngitsut assinginik pigisaqartutut siammarterisimasutullu qaammatini arfineq-pingasuni inissiisarfimmiittussatut pineqaatissinneqaratarsinnaavoq. AG aviisi allappoq.
Unnerluussutip allakkiartaa
Unnerluussutip allakkiartaa naapertorlugu assit filmillu immikkoortui 65.000-it sinneqartut qarasaasiani angallattakkamiittut aalaakkaasumiittullu pineqarput.
- Kisianni nammineerluni assilisarisimanngilai. Taakkua tamarmik internettimit pissarsiarineqarsimapput. Kalaallit meerartaannik assiuteqanngilaq, angutip illersuisussaatut toqqagaq, Anders Meilvang, erseqqissaavoq, isumaqarnerarlunilu unnerluutigineqartoq suliami tamarmi ilisimasakitsutut pissusilersorsimasoq. Tamanna ilisimasaqarluartuunnginneranut meeqqanillu atornerluisartoqatigiinnut annerumaanut ilaannginneranut takussutissaavoq.
Illersuisoq arlalinnik pissuteqarluni isumaqarpoq, pinerluuteqaqqinnermi pineqaatissiinissamut taamaallaat tunngavissaqartoq.
Avitseqateqartannginnerartoq
Assit affaat taakkua assit affaasa isumannaallisaatitut kopeerivaat. Tamatuma saniatigut avitseqatiginnissimasutut pisuujumanngilaq, illersuisua naapertorlugu assit toqqortanik agguaasseqqittarnermut programmi aqqutigalugu siammarterneqartarnerat ilisimannginnamiuk.
- Assit filmillu immikkoortuisa ilaannamininngui siammarterneqarsimapput. Assinik pisisimananilu tunisaqarsimanngilaq, taamaalillunilu meeqqat innarlerneqarsimanerannut pisooqataanani. Siornatigut pineqaatissinneqarsimanngilaq taavalu utoqqaalluni napparsimallunilu, taamaattumillu inissiisarfimmiinnissani inuiaqatigiinnulluunniit kiffartuussimermik suliaqarnissani sapissallugit, Anders Meilvang oqarpoq.
Utoqqalinersiallip unnerluutigineqarneranut allaaserisaq AG aviisimi kingullermi tamakkerlugu atuarsinnaavat. Aviisi uani pisiariuk: