Ilulissat
Meeqqat angerlarsimaffianni ikuallatsitsisoqartoq
Ilulissani meeqqat angerlarsimaffianni Sarliami inissinneqarsimasup ikuallatsitsileraluarnera poorskimi qaminneqarpoq
Poorski Qaasuitsup politiivinut tamakkiisumik eqqissisimanarsimagaluartoq, Ilulissani politiit illoqarfimmi meeqqat angerlarsimaffianut marloriarlutik orniguttariaqarsimapput.
Ataasiarlunimi ikuallatsitsisoqalersimagluarpoq, taassumalu saniatigut aamma ikuallattoornermi kalerrisaarut aallartinneqarsimagaluarluni.
Taama Qaasuitsup politiviini pisortaq, Kasper Berthelsen, Sermitsiaq.AG-mut oqaluttuarpoq.
Poorskimi ikuallatsitsineq
Kasper Berthelsenip oqaluttuarnera naapertorlugu meeqqat angerlarsimaffianni ikuallattoornermut kalerrisaarut poorskip ulluani nalunaaqutaq 22.23 aallartinneqarpoq, meeqqat inissinneqarsimasut ilaata inimini pappiliamik ikuallatsitsereernerata kingorna.
- Politiit takkunneranni sulisoq ilisimatitsivoq ikuallanneq sulisunit qaminneqarsimasoq. Meeraq ikuallatsitsisoq politiit tikiutinnginneranni qimaasimavoq, Kasper Berthelsen oqaluttuarpoq.
Tamatuma saniatigut gamma meeqqat angerlarsimaffianni ikuallattoornermut kalerrisaarut marlunngornerup unnuaani aallartinneqarsimavoq.
- Meeqqat ilaata ikuallattoornermut kalerrisaarut aallartissimavaa, kisianni aamma meeraq politiit tikiutinnginneranni qimaasimavoq, politiit taama ilisimatitsipput.