Meeqqat angajoqqaamik hashimik atornerluinerat kanngusuutigisaraat

Qeqqata Kommuniani hashimik atuineq ajornartorsiutigineqartorujussuuvoq. Meeqqat inuusuttuaqqallu arlallit ilaquta­riinni atornerluisuni inuupput pisariaqar­titaminillu ikiorneqassanatik. Hash ajoqutaanngitsoq inuppassuarnit isumaqar­figineqarpoq aamma ersariinnartorsuarmik hashimik tuniniaasoqartarpoq. Taamatut MIO­mit Qeqqata Kommunianut angalaner­mit nalunaarusiorput, taannalu qaammat kingulleq tamanut saqqummiunneqarpoq.

Ilungersunangaatsiartoq

Meeqqat illersuisuata Aviâja Egede Lyn­gep aamma Meeqqat pisinnaatitaaffiinik suliniaqatigiiffimmi MIO­meersut hashimik annertuumik atornerluineq meeqqallu peroriartornerannut sunniutaasut Qeqqata Kommuniani takusimasatik ilungersunar­tutut isigaat. Taakku Kalaallit Nunaata Naalagaaffiit Peqatigiit Meeqqat pillugit isumaqatigiissutaannik immikkoortumik 33­mik, ikiaroorniutinut illersuineq pil­lugu, naammassinninngitsutut nalilerpaat, tamatumanimi meeqqat ikiaroorniutinut inerteqqutaasunut atuinernut aamma ikia­roorniutinik tarnikkut sunniuteqapiluttar­tunut illersorneqartussaatitaapput. Qeqqata Kommuniani taamaattoqanngilaq.

– Illoqarfimmi nunaqarfinnilu hashimik atuisoqartorujussuuvoq aamma inuit ilaan­nut hashimik tuniniaasarneq aalajangersimasumik isertitaqarfiuvoq. Hash pissar­siariuminartuuvoq, ingammik aasakkut angalanissamut periarfissaqarnerusukkut. Meeqqat allaat 1. klassimi atuartut sølvpa­piamik tiguseriarlutik hashimik pujorta­gassamik piareersaanermi tupat atugassat siattuusaartarpaat. Inersimasut meeqqat najuutsillugit hashimik pujortartarput. Sumiiffinni arlalinni inuit qanoq ilillutik hashimik atornerluiunnaarnerminni sun­niutinik malugisimasaqartut meeqqanut ilaquttanullu allanut nakuuserniartartut aamma pigisanik aserorterisartut siooranar­tumillu pissusilersortut oqaluttuarineqar­put. Nunaqarfinni najugaqartut tamarmik imminnut ilisarisimapput, kisianni nalu­naarutiginnittarnerit ileqquunngitsut, angalaneq pillugu nalunaarusiami inernili­unneqarpoq.

Kingunerluutit

Hashimik atornerluinerup meeqqat ti­maannut tarnaannullu kingunipilui angala­qatigiit takuaat. Tamakku nunaqarfinni illoqarfinnilu takussaapput.

– Meeqqat uatsinnut saaffiginnikkaanga­mik angerlarsimafmminni toqqissisima­natik aamma nerisassanik amigaateqarlutik oqaloqatissaminnilluunniit amigaateqar­lutik oqaluttuartarput. Meeqqat aamma angajoqqaatik hashimik amigaateqaleraa­ngamik nakuusertartut aamma angerlarsi­maffimminni angajoqqaaminnit noorusul­lutik oqaluttuartartut, Aviâja Egede Lynge, oqaluttuarpoq.

Nukappiaqqap takkulluni angerlarsimaf­fimminni atornerluinermik ajornartorsiu­terpassuit oqaluttuarai, ullut tamarluinna­ngajaasa hashimik pujortartoqartarpoq aamma angerlarsimaffik hashimit nakkar­saanernillu ajoqusersorneqartartoq oqalut­tuarai.

– Nukappiaraq alla pingasunik qatanngu­tilik angajoqqaani angerlarsimaffimminni hashimik pujortartarmata nuanniilliorpoq. Nukappiaqqap taassuma angajoqqaani pujortassaarniassammata ikiorneqassasut kissaatigaa. Kommunimit angajoqqaavi oqaloqatigineqarnissaat nukappiaqqap aku­eraa. Meeqqap allap anaanartik hashimik pujortartartoq aamma angerlarsimaffimminni nerisassaqannginnertik pissutigalugu kaattarlutik oqaluttuuppaatigut. Meeqqap akissarsiffiup nalaani nerisassaqartartoq kisiannili piffissap sinnerani nerisassanik pissarsinissaq ajornakusoortartoq oqaluttu­arpoq. Meeqqap nalunaarutiginnittoqartar­nissaa aamma inersimasunik oqaloqate­qartarnissaq kissaatigaa.

Meeqqat hashimik pujortartut

Angalasartoqatigiit angalanerminni meeq­qat apersorteriaannaat aamma hashimik pujortartut paasisimavaat, soorluttaaq imigassaq ukioqatigiikkuutaani taakkunani atorneqartoq. Meeqqat arfineq­-marlunnik ukiullit allaat hashimik pujortarlutik misilissimavaat. Hashili pillugu saaffiginninnin­nerni amerlanerni meeqqat angajoqqaamik hashimik atornerluinerannik naalliupput.

Allaaserisaq tamakkerlugu Sermitsiaq aviisi digitaliusoq uani pisiaralugu atuarsinnaavat:

Sermitsiaq Uge 45 2017

Klik her for at læse