meeqqat Islandimiinnerat

Meeqqat 29-t Islandimut angalanerannit assilisat

Tunumi nunaqarfinni Ittoqqortoormiinilu 6. klassini atuartut sapaatip-akunnerini marlunni Islandimiissimapput

Kalaallit meerartaannut pisut persuarsiornarnerut ilaat tassaavoq Islandip præsidentianut Olafur Ragnar Grimssonimut pulaarneq.

Meeqqat Tunumeersut Islandimiinneranni nutaatut Blue Lagoon tusaamasaq takuniarneqarpoq. Taama Kuummiunit oqaluttuarpoq. Bjarne Hauthorner

Tunumiut meerartaat qulingiluassaa Islandimiipput, tamannalu Islandimi katersuiniarnertigut aningaasaliiffigineqartarpoq. Ukioq manna 6. klassini atuartut 29-t angalaqataapput.

Meeqqat Tunumeersut Islandimiinneranni nutaatut Blue Lagoon tusaamasaq takuniarneqarpoq. Taama Bjarne Hauthorner Kuummiunit oqaluttuarpoq. Bjarne HauthornerTunumiut meerartaat qulingiluassaa Islandimiipput, tamannalu Islandimi katersuiniarnertigut aningaasaliiffigineqartarpoq. Ukioq manna 6. klassini atuartut 29-t angalaqataapput. Bjarne HauthornerKalaallit meerartaannut pisut persuarsiornarnerut ilaat tassaavoq Islandip præsidentianut Olafur Ragnar Grimssonimut pulaarneq. Bjarne Hauthorner, KuummiutMeeqqat Tunumeersut Islandimiinneranni nutaatut Blue Lagoon tusaamasaq takuniarneqarpoq. Taama Bjarne Hauthorner Kuummiunit oqaluttuarpoq. Bjarne HauthornerTunumiut meerartaat qulingiluassaa Islandimiipput, tamannalu Islandimi katersuiniarnertigut aningaasaliiffigineqartarpoq. Ukioq manna 6. klassini atuartut 29-t angalaqataapput. Bjarne HauthornerKalaallit meerartaannut pisut persuarsiornarnerut ilaat tassaavoq Islandip præsidentianut Olafur Ragnar Grimssonimut pulaarneq. Bjarne Hauthorner, KuummiutMeeqqat Tunumeersut Islandimiinneranni nutaatut Blue Lagoon tusaamasaq takuniarneqarpoq. Taama Bjarne Hauthorner Kuummiunit oqaluttuarpoq. Bjarne Hauthorner

Bjarne HauthornerBjarne HauthornerBjarne Hauthorner, KuummiutBjarne HauthornerBjarne HauthornerBjarne Hauthorner, KuummiutBjarne Hauthorner

Redaktionen

arfininng 04. okt 2014 11:16

Meeqqat 29-t sumiiffinnut tusaamasanut soorlu Geysirimut Gulfossimut takuniaapput, tamatumalu saniatigut uumasuusivimmi Husyr Zoomiillutik. Taamaalillutik puulukit nersussuillu assiliaannaanngitsunit ilisimalerpaat. Islandimiut hiistinik aamma hiisterput, sukuutsertarfimmiinnerlu aamma nutaamik misigisaqarfiulluni. Taamatuttaaq nutaatut Blue Lagoon tusaamasaq takuniarneqarpoq. Bjarne Hauthorner Kuummiunit taama oqaluttuarpoq.

- Pisut persuarsiornarnerusut ilaat tassaavoq Islandip præsidentianut Olafur Ragnar Grimssonimut pulaarneq. Taanna Bessastaðirimi, Islandip Amalienborgimut akissutaatut taaneqarsinnaasumi kajumissuseqarluarluni takornariartitsivoq. Sodavandinik immiartorfinni krystaliusuni sassaallertoqarpoq, assiliisaqattaarnerpassuaqarlunilu. Meeqqat qujassuteqarlutik erinarsorput.

Tunumi nunaqarfinni Ittoqqortoormiinilu 6. klassit Islandimut angalatinneqartarnerat ileqquulersimavoq.

Nalunneq ilinniaraat

Meeqqat Reykjavikkimi ullut tamaasa ullormut marloriarlutik naluttarfimmiittarput, Islandimiullu ukioqatitik ilagisarlugit.

- Maanna naluttartut pikkorissut 29-t utersimalerput. Qulingiluassaanik angalasoqarmat Tunumi kinguaariit affaat naluttalerput, Bjarne Hauthorner paasissutissiivoq.

- Angalaneq pingaartumik Islandimi katersuiniarnernit aningaasalersorneqarpoq. Suliniutip piviusunngortinniarneqarneranut nukippassuit piumassuseqarluarnerlu atorneqarlutillu takutinneqarsimapput.

Ilinniartitsisoqatigiit angalaqataasut arfinillit aamma sulilluarsimapput, taamaalillunilu suut tamarmik iluatsilluarsimallutik, Bjarne Hauthorner Kuummiuneersoq isumaqarpoq.

- 5. klassit qilanaalereernerat oqaatigisinnaavara, qilanaarluaannarsinnaappullu. Meeqqat Ittoqqortoormiineersut kinguaattoornerat angerlariartornerminnilu Islandip avannaani silamik saperngunerat aporfissatuaasimavoq, Bjarne Hauthorner ilisimatitsivoq.