Meeqqat sumiginnakkat

Meeqqanut sumiginnakkanut suliniut nersualaarneqartoq

Qeqqata Kommunia meeqqat sumiginnakkat atugaasa pitsanngorsaaviginiarlugit iliuuseqapallannera, meeqqat illersuisuani Aviâja Egede Lynge-mit nersualaarneqarpoq.

Aviâja Egede Lynge glæder sig over den indsats, som Qeqqata Kommunia har sat i værk, efter at en rapport satte fokus på de mange udsatte børn i kommunen.

MIO-p ukioq manna nalunaarusiamini allaaserisaa meeqqat qanoq annertutigisumik sumiginnaaqqanerat. Taamatullu isornartorsiuineq kommunimit tusaanngitsuusaarneqarsimanngilaq. Killormuanilli pissutsit isornartorsiorneqartut aaqqiivigineqarnissaanut innersuussutigineqartut arlallit kommunimit malinneqarsimapput.

Sulineq pingaarutilik

- Qeqqata Kommuniata suliaq annertooq pingaaruteqartorlu aallartissimavaa. Kommune pitsaasumik aallartippoq. Suliassarlu annertooq suliassaavoq, taamaattumik Qeqqata Kommuniani iliuuseqarniarlutik aallartitsisut annertuumik kaammattorneqarlutillu ikorfartorneqartariaqarput, meeqqat illersuisuat tusagassiuutinut nalunaarummi oqarpoq.

Pisortaqarfiit akimorlugit suleqatigiinnissamik pitsanngorsaasoqarsimavoq, tassani meeqqanik sumiginnaasoqartoq paasineqartillugu atuarfiit, isumaginnittoqarfik, politiit suliffeqarfiillu allat erngertumik iliuuseqapallattarlutik.

- Kommunep ilumini maleruagassaminnik suliaqarnera aammalu sillimasussanik aaqqissuussinera takullugu nuanneqaaq, meeqqat sumiginnagaannginnissaat atornerlugaannginnissaallu taamaalilluni anguniarneqarpoq. Tassami angajoqqaat meeqqanillu isumaginnittussat ajoraluartumik meeqqamik isumaginnissinnaanatillu ikorfartuisinnaanngikkaangata, taava pisortaqarfiit sullissisullu pinngitsooratik meeqqamik ikiuisinnaasariaqarput, pitsaassusilimmik, aaqqissuussamik meerarlu qitiutillugu ingerlanneqartumik, taamaalilluni meeqqap illersorneqarnissaminut pisinnaatitaaffia qulakkeerneqarsinnaaniassammat, Aviâja Egede Lynge oqarpoq.

Suleqatigiissitat pilersinneqartut

Pimmatiginnittarneq akiorniarlugu suliniartussamik suleqatigiissitaliortoqarsimanerata saniatigut
aamma meeqqat timikkut tarnikkullu persuttagaannginnissaat anguniarlugu suliniuteqartoqarnera, ilanngullugu nersualaarneqarpoq.

Meeqqat Illersuisuata nuannaarutigaattaaq inunnik isumaginninnermut siunnersortimik atuarfeqarfinni sulisussamik kommune atorfinitsitsiniarmat.

Powered by Labrador CMS