meeqqat atugarliortut

Meeqqanut suliassani kusanaatsuliortoqarnissaa inatsisip nutaap pinngitsoortissavaa

Inatsisissatut siunnersuut naapertorlugu Naalakkersuisut 'kommunip allaffiinut tamanut' isertissapput meeqqanullu suliassat suliaralugit suliassaqarfimmi kusanaatsuliortoqaqqinnissaa pinngitsoortinniarlugu

Inatsisissatut siunnersuut nutaaq Naalakkersuisut ilimasaarutigeqqammisaat qitiusumilu oqartussaaffiup kommunit isumaginninnermut allattoqarfiinut akuliunnissaannut piginnaatitsilissaaq.

Inatsisissatut siunnersuummi maannakkut tusarniaassutigineqartumi Naalakkersuisut siunissami ‘kommunini isumaginninnikkut maleruagassaat atorunnaarsissinnaavaat kommunit pisussaaffimminnik annertuumik illuartitsimappata’.

Namminersorlutik Oqartussat isertersinnaasut
Allatut oqaatigalugu: Isumaginnittoqarfiup suliassani suliarisimanngippagu Nuummi Namminersorlutik Oqartussat illorsuaanit suleqatigiit immikkut ilisimasallit isertissapput meeqqat ulorianartorsiortut innarlerneqannginnissaannik suliassaq nakkutigalugu ilaatigullu akisussaaffigilerlugu.

Nunap immikkoortuini arlalinni meeqqat atugaannik sumiginnaasoqarneranik aasaanerani oqallittoqareernerani, taamatut annertuumik akuliunneq pivoq.

Atuaruk: Perorsaasut ilinniartitsisullu meeqqat illersuisuat taperserpaat

Atuaruk: Meeqqat atugaat Kim Kielsenip aamma meeqqat illersuisuata eqqartorpaat

Pilersaarutit malillugit qanoq annertutigisumik akuliuttoqassanersoq inatsissatut siunnersuutip oqaaseqaataani AG-p atuarsimasaanni allassimavoq:

Pissaaneq annertooq
- Atorunnaarsitsisoqarnissaanik aalajangiisoqartillugu Naalakkersuisut suliffimmut sumulluunniit kommunimilu ininut tamanut ornigussinnaassapput. Naalakkersuisut aamma qarasaasiakkut sullissinermi atortunik, paasissutissanik suliamut tunngasunik pappilissanillu atuisinnaassapput.

Allaaserisaq tamaat qisuariaatillu AG-mi uani sapaatip-akunnerani saqqummertumi atuakkit

Powered by Labrador CMS