Børn og unge
Meeqqanut inuusuttunullu sivisuumik suliniut iluatsilluarpoq
Meeqqat Inuunerissut/Bedre Børneliv malillugu suliniut ´Kuseriarnerup siaruarneratut´iluatsilluarsimavoq
Illoqarfiit qulit tikinneqarsimapput.
Meeqqat pisinnaatitaaffii pillugit, nalunaarutiginnittussaaneq, uippakajaarnermi atornerlunneqarsimanermilu timip qisuariaatai pillugit 22-riarluni pikkorissartitsisoqarsimavoq, kiisalu pisortat innuttaasullu kajumissutsiminnik sulisut assigiinngissuteqartitserusuttut akornanni, suleqatigiinnermut aqqutissanik nutaanik paasissutissiissuteqartoqarsimalluni.
Tassa Meeqqaat Inuunerissut/Bedre Børneliv-ip - MIBB-mik naalisarneqartartup - ukiuni pingasuni suliniutitut ingerlatamini ´Kuseriarnerup siaruarneratut´, angusimasaasa ilamininngui.
Tamatuma saniatigut peqatigiiffik innuttaasunik ataatsimiititsisarlunilu allanik pikkorissartitsisarsimavoq.
Aamma suliniut pillugu piviusulersaarut ilaatigut KNR-imi takutinneqarsimavoq.
– Suliniut ´Kuseriarnerup siaruarneratut´ tamaanga naavoq, upperaarpullu isumassarsiat isummersuutillu pitsaasut suli kuseriarnerup siuaruaanneratut siuaruaattuassasut, MIBB naliliivoq.
Peqatigiiffik suliniutinik nutaanik, meeqqanut inuusuttunullu iluaqutaasussanik, isumassarsiulereerpoq.