pinaveersaartitsineq
Meeqqanut inuusuttunullu atornerluinermut naaggaarneq
Meeqqanik persuttaasarneq atornerluinerlu akiorniarlugit nunarsuaq tamakkerlugu tallimanngornermi ulloqartinneqarpoq
Kattuffik Women's World Summit Foundation (WWSF) 2000-imiilli ukiut tamaasa meeqqanik persuttaasarneq atornerluinerlu akiornilarlugit ulloq 19. november ulloqartitsisarpoq- ingammik atornerluisarneq.
Isumaginninnermut Ilaqutariinnermut Naligiisitaanermut Inatsisinillu atuutitsinermut Naalakkersuisoqarfik Kommuneqarfik Sermersoorlu suleqatigiinnerisigut, Nuummi, Tasiilami aamma Paamiuni ulloq malunnartinniarneqarpoq.
Atuaruk: Nakuusertartut maanna katsorsarneqarsinnaalissapput
Iliuuseqaqataagit
Ullormik malunnartitsinissamut atatillugu Isumaginninnermut Ilaqutariinnermut Naligiisitaanermut Inatsisinillu atuutitsinermut Naalakkersuisoqarfiup meeqqanik persuttaasarneq atornerluinerlu akiorniarneqarnerani paasititsiniaavoq oqariartuut: 'Iliuuseqaqataagit – Kalaallit Nunaat meeqqamut toqqisisimanartuuli.'
Isumaginninnermut ilaqutariinnut naligiisitaanermut inatsisinillu atortitsinermut naalakkersuisoq, Sara Olsvig, innuttaasut nipangiusimaneq kipitittariaqaraat, persuttaanerullu oqaasinngortinnera alajangiisuulluinnartoq oqarpoq.
Oqariartuut
- Nuna tamakkerlugu paasititsiniaanermi oqariartuutip siammarterneqarnissaa pingaaruteqarluinnarpoq, taanna oqarpoq.
Inatsisartut illutaata silataani ullumikkut oqalugiarnermi Sara Olsvigip aamma tamanna oqariartuutigissavaa.