Meeqqanut atugarissaannginnerusunut aningaasartuuteqaqqinneq
Meeqqat sumiginnakkat amerleriarsimangaarmata, Kommuneqarfik Sermersooq ulloq unnuarlu paaqqinnittarfinnut saniatigut 46 millionit koruuninik ukioq kinglleq aningaasaliisariaqalerpoq. Assingusumik maanna pisoqaqqippoq
Meeqqanut immikkut pisariaqartitsisunut Kommuneqarfik Sermersuumi kommunalbestyrelsi aningaasaliissuteqarnissamut isumaqatigiissuteqarpoq, tassani 20 million koruunit aningaasaliissutigineqassallutik. Immikkoortortaqarfimmi tassani aningaasaliinissamut missingersuutini qaangerneqaqqipput.
Meeqqat angerlarsimaffiisa avataannut inissiigasuarnissamut 7,5 million koruunit atoneqassapput. Meeqqanut inuusuttunullu suliniutinut ingerlalluartunut 11 million koruunit atorneqassapput.
- Borgmesteriutillunga meeqqanut inuusuttunullu aningaasaleeqqinnissamut qulanngisaannarnikuuvugut, kommunalbestyrelsi aamma maanna qularuteqarnani tassunga aningaasaleeqqippoq. Meeqqat angerlarsimaffiisa avataannut inissiigallarnerit naatsorsoruminaatsuupput, taamaasilluni aningaasaliissutinik nutaanik qularnaarusiisariaqartarluta. Maanna taamaalioqqippugut, Asii Chemnitz Narup kommunimi nalunaarummit oqarpoq.
Innarluutilinnut aningaasaliissutit 20 million koruuninik ilaneqarput, ukioq kingullermut aningaasartuutit qaangerneqarsimaneri pissutaalluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...