Meeqqanik ussiiniartartut pillugit paasititsiniaasoqanngitsoq

'Meeqqanik ussiiniartarnermut ajornartorsiummut' tunngatillugu ukiuni kingullerni marlunni paasititsiniaasarnerit imaluunniit pinerluuteqarnissamut pinaveersaartitsilluni suliniutit aallartinneqarsimanngillat.

'Meeqqanik ussiiniartarnermut ajornartorsiummut' tunngatillugu ukiuni kingullerni marlunni paasititsiniaasarnerit imaluunniit pinerluuteqarnissamut pinaveersaartitsilluni suliniutit aallartinneqarsimanngillat.

Siumuts Ineqi Kielsen har stillet skriftlig spørgsmål til Naalakkersuisut blandt andet om, der er blevet udarbejdet oplysningskampagner om børneIokkere.

Isumaginninnermut, lIaqutariinnermut, Naligiissitaanermut Inatsisinillu Atuutsitsinermut Naalakkersuisoqarfik Justitsministerieqarfimmut paasissutissanik piniarsimavoq.

'Meeqqanik ussiiniartarnermut ajornartorsiummut' tunngatillugu ukiuni kingullerni marlunni paasititsiniaasarnerit imaluunniit pinerluuteqarnissamut pinaveersaartitsilluni suliniutit aallartinneqarsimanngitsut, akissutigineqarpoq.

Unnerluutiginninnerit amerliartortut

Kalaallit Nunaanni Politiit paasissutissiaraat, pinerluuteqarnissamut pinaveersaartitsilluni suliniutaat meeqqat atuarfiani atuartunut sammisitaammata assersuutigalugu "nakuusernernut taarsiullugu oqaloqatigiinnerit" aqqutigalugit, tassani ilaatigut anguniagaalluni meeqqat akuutillugit pinerlunniartarnernik assersuutigalugu nakuusernernut pinaveersaartinnissaat.

Meeqqanik ussiiniarsimasut pillugit politiinut qassinik unnerluussisoqarsimanersoq Ineq Kielsenip aamma apeqquteqaatigaa.

Kalaallit Nunaanni Politiit tassunga tunngatillugu ilisimatitsissutigisinnaavaat taaguut "meeqqanik ussiiniartarneq" inatsisitigut taaguutaanngimmat taamaasillunilu eqqartuussiveqarnikkut sulianut aammalu Kalaallit Nunaanni Politiit ukiumoortumik nalunaarutigisartagaanni immikkut ilaatinneqarani.

Justitsministerieqarfiup paasissutissiaraa, Kalaallit Nunaanni Politiit kisitsisini ukiumoortumik saqqummersittagaanni ilaatigut takuneqarsinnaammat meeqqanik kinguaassiuutitigut atornerluisarnermut tunngatillugu 2012-imi nalunaarutiginninnerit 54-iusimasut, 2013-imi 70-it, 2014-imi 52-it kiisalu 2016-imi nalunaarutiginninnerit 79-iusimallutik.

Powered by Labrador CMS