Meeqqanik pinerliisimannginnermutuppernarsaat ukiortaamiit
Sulisitsisut sulisunit tamanit, meeqqanik 15-it inorlugit ukiulinnik toqqaannartumik attaveqartussanit, meeqqanik pinerliisimannginnermut uppernarsaammik piumasaqartalissapput.
Meeqqanik pinerliisimannginnermik uppernarsaatinut inatsit ukiortaamiit atuutilersinnaavoq, Inatsisartut inatsit ukiakkut ataatsimiinnerminni akuersissutigissappassuk.
Inatsit annertoorujussuuvoq, suleqatigiippassuarnullu piumassutsiminnillu ikiuuttunut atuutissalluni, siunertaali ersarippoq:
Kikkut tamarmik, meeqqanik 15-it inorlugit ukiulinnik toqqaannartumik attaveqartussat, atorfinitsitaanerminni sulisitsisoq pisinnaatissavaat meeqqanik pinerliisimannginnermut uppernarsaammik piniarnissaanut.
Meeqqanik pinerliisimannginnermut uppernarsaat Pinerluuteqarsimasunut qitiusumik Nalunaarsuiffimmit allagaavoq, imaqartoq pinerluttulerinermi inatsimmi meeqqanut 15-it inorlugit ukiulinnut kannguttaatsuliornermik aalajangersakkanik unioqqutitsinerusinnaasunik.
Meeqqanik pinerliisimannginnermut uppernarsaatip aamma imarissavai Danmarkimi pisimasunik aalajangiinerit, taamaasilluni meeqqanik atoqateqarniartartut Kalaallit Nunaannut qinnuteqarsinnaanatik, inatsisinillu unioqqutitsinertik nangillugu.
Sermitsiaq nr. 30 atuaruk.