meeqqat pornoliarineqarnerat
Meeqqanik atoqatigiittunik siammarterisoq unnerluunneqartoq 18-nik ukioqarpoq
Inuusuttoq kalaaleq meeqqanik atoqatigiittunik siammarterisunut suliamut annertuumut ilaasoq politiinit apersorneqarsimavoq, tassani inuusuttut 1004-t siammarterisimasutut unnerluunneqarput.
Paasinarsivoq angut 18-nik ukioqartoq, taassumalu ukiut marluk matuma siorna meeqqat atoqatigiittut unioqqutitsilluni siammartersimavai, KNR taama allappoq, taakku unnerluussisussaatitaasoq Tobias Berg oqaloqatigisimavaat.
Unnerluussut isumaliutigineqarpoq
Politiit angutip unnerluutigineqarnissaa pillugu suli aalajangiinngillat.
- Paasissutissanik pingaarutilinnik paasisaqarnerugutta suliaq qanoq ingerlatsissanerlutigu nalilersussavarput, Tobias Berg KNR-imut oqarpoq.
Ajornerpaamik unnerluutigineqartoq pinerluuteqarsimasut inissiisarfianut inissinneqarsinnaavoq, saniatigullu pinerluuteqarsimasutut nalunaarsorneqalerluni.
Amerlanerit Danmarkimiittut
Inuusuttut 1004-t unnerluutigineqartut akornanni sisamat nunanit allaniipput, ataaseq Kalaallit Nunaanneerluni, sinnerilu Danmarkimi najugaqarput.
Aamma atuakkit:
Meeqqat pornoliarineqarnerannik unnerluussut annertuumik kinguneqartitsisinnaavoq
Inuusuttut 1000-t meeqqat pornoliarineqarnerat pillugu suliami unnerluutigineqartut
MIO kajumissaarivoq: Meeqqat pornoliarineqarnerat tamatigut politiinut nalunaarutigisaruk