Meeqqani illersorniarlugit Qaanaami angutip amaroq aallaavaa

Ukiuni kingullerni 30-ni piniartup Qillaq Danielsenip Qaanaameersup amaqqut eqqissisimatitaanerat pillugu maleruagassaq ilisimasaqarfiginngilaa.

Amaqqut 1988-mi Nunatsinni eqqisisimatitaalerput.

- Amaqqut eqqissimatitaanerarlugit kalerrit- sikkama eqqarsariaallappunga, inunnimmi naleqartumik saassussippata aatsaat iliuuse- qalissappat? Qillaq Danielsen Sermitsiamit apersorneqarami aperivoq.

Panini illersorniarlugu pisarigaa
- Ukiut marluk matuma siorna paneeqqama marlunnik ukiullip qimminit saassunneqarnini toqqutigaa, paneeqqamalu aappaa tallimanik ukiulik qanittukkut amaqqup inissisimaffippiaani nuniappoq, taamaattumik paninnik annaasaqaqqikkusunngilluinnarpunga, Qillaq oqarpoq.

Taannali erseqqissaavoq nalusimanngikkalua- runiuk amaqqut eqqissisimatitaasut toqussimassanngikkaluarini.

Amaqqut eqqissisimatitaasariaqanngitsut isumaqarpoq.

- Soqutiginngilarali amaroq toqukkaluallarakku, inunnimmi navianartorsiortitsinnginnerani taamaaliornera naammagisimaarpara, siusinnerusukkulli naluara amaqqut eqqissimatitaanerat, Qillaq Danielsen naggasiivoq.

Allaaserineqartoq aviisimi Sermitsiami tamaat atuarneqarsinnaavoq. Aviisi tamakkiisoq ataani pisiarineqarsinnaavoq:

Sermitsiaq Uge 37 2015

Klik her for at læse