inissiisarneq

Meeqqamut ataatsimut 1,4 millionit

Avannaani aningaasartuutit qaffariarujussuarsimapput. Tassani aaqqiiniarluni sulisoqarpoq

Qaasuitsup Kommuniani kommunalbestyrelse paasitinneqarpoq »Meeqqani inissiisarneq annertuumik tatineqartoq«.

Inissiinermut 82 million koruunit missaasa atornissaat kommunimi missingersuutigineqarpoq, maannakkulli aqutsiveqarfimmi naatsorsuutigineqarpoq 9 million koruuninik aningaasaleeqqittoqartariaqartoq, tassalu 10 procentit missaanni qaffaalluni.

Meeqqat angerlarsimaffiat sipaaruteqartitsissaaq
Kommunimi isumaginninnermut ataatsimiititaliami ilaasortap Jess Svanep (S) nassuerutigaa suliassaqarfimmi aningaasartuutit amerliartuinnartut.

Aammali oqaatigaa aningaasartuutit ikilisinniarlugit ilungersorluni sulisoqartoq. Ilaatigut naatsorsuutigineqarpoq 5 procentit missaanni sipaartoqassasoq taannalu januaarimi februaarimiluunniit Qasigiannguani meeqqat angerlarsimaffiata ammaneranut atatillugu piviusunngortinneqassalluni.

Atuaruk: Qaasuitsumi meeqqanut suliat pillugit nakkutilliisut nutaat

- Meeqqat angerlarsimaffiata ammarnissaa kinguaattoorpoq. Sanaartorneq atorfinitsisiniarnerlu peqqutigalugit. Ungasinngitsukkulli inississapput. Tamatuma kingorna naatsorsuutigaarput meeqqat 14-15-it tassunga nuunneqassasut, Jess Svane (S) oqarpoq.

Ajornartorsiut kommunip qanoq iluarsiniarneraa AG-mi atuaruk:

Powered by Labrador CMS