kvalte sin lille søn

Meeqqamik toqutsineq: Misissuigallarneq imatut ingerlavoq

Kommune Kujalliup misissuleruttorpaa ataataasup ernerminik ataasiinnarmik ukiulimmik toqutsineranut atatillugu kommunimit kukkusoqarsimanersoq suliamillu sumiginnaasoqarsimanersoq

Nuna tamarmi tupatsinneqarpoq septembarip 5-anni saqqummiunneqarmat Qaqortumi politiit angut 31-inik ukiulik tigusarisimagaat, ernerminik qimillugu toqutsisimasutut unnerluutigalugu.
– Kommune Kujalilup meeqqanut inuusuttunullu akisussaassutsini sumiginnarsimaguniuk soorunami pisussaavoq kommunip ingerlatsiviisa ilaanni sumiginnaasimasumi kinguneqaatinut pisariaqartumik iliuuseqarnissaminurt, kommunip isumaginninnermut ingerlasivianit suliamut pisortaq Kiista P. Isaksen oqarpoq.
Atuaruk: "Kommune Kujalleq meeqqamik toqutsineq pillugu: Tamanik iliuuseqassaagut"
Atuaruk: "Kommuni pisup alianartup kingorna: Tamatigut iliuuseqartoqartarpoq"
Atuaruk: "Ataatsimik ukiulik ataataminit qimillugu toqunneqartoq"
Taamaattumik borgmester Jørgen Wæver Johansen kommunimilu qullersat, septembarip 6-anni Qanoruumi pisimasup siullermeersumik oqaatigineqarnerata kingorna, ingerlaannavik misissuisitsilerput pisup alianartup tungaanut kommuni qanoq inissisimasimanersoq.
Misissuinikkut qulaajarneqassaaq sumiginnaanermik nalunaarutit suliarineqartarneranni periutsit atuuttut naammannersut, aammalu pisimasumi pineqartumi kukkusoqarsimanersoq kommunip qisuariarfigisariaqagaanik.
Ataatsimik ukiullip angutaata toqutsinini nassuerutigaa oktobarillu 2-ata tungaanut tigummeqarallarluni.
Kommuneq Kujallermi misissuigallarneq atuaruk allaaserisap talerpia'tungaani pdf-profil atorlugu

Powered by Labrador CMS