Meeqqanik arpatitsineq
Meeqqaat kinguaassiutimikkut atornerlugaasarnerat akiorniarlugu arpatsitsineq
KNR Nakuusamut katersuiniarluni arfininngornermi arpatsitsivoq.
Arfininngornerup ullaap tungaani KNR ullaakkut aallakaatittagaa Nunatta Nipaa Nakuusamut tapersersuiniarluni meeqqanut arpatsitsinermik aaqqissuussissaaq.
Nakuusa meeqqat piginnaatitaaffiinik suliniuteqartuuvoq, meeqqallu kinguaassiutimigut atornerlunneqartarnerat ukkatigisaraat.
Bank Nordik aningaasaliisoq
Meeqqanik arpatsitsineq Bank Nordikimit aningaasaliiffigineqarpoq. Taaku peqataasut 1.000-it ataappagit arpaqataasoq ataaseq 5 koruunimik naleqassaaq, arpaqataasullu 1.000-it sinnerpagit arpaqataasoq ataaseq 3 koruunimik naleqassalluni.
Meeqqanik arpatsitsineq arfininngornermi ullaakkut nalunaaqutaq qulinut Nunarput tamakkerlugu ingerlanneqassaaq.
Illoqarfinni nunarqarfinnilu arpannermi aallartiffissat arpaffissallu Nunatta Nipaata Facebookiani takuneqarsinnaapput.