assammik arsarneq
Me llamo Patrick
Målmandi Patrick Frederiksen Uruguayimi angerlarsimasoq
- Me llamo Patrick y soy arquero en handboll.
Spaniamiutut allaqqavoq, kalaallisullu ima isumaqarluni: Patrickimik ateqarpunga målmandiusarlungalu.
20-nik ukiulik Patrick Frederiksen Nuummeersoq spaniamiusut oqalussinnaavoq. Argentinap kujataani Commodoro Rivadaviami ukiinikuuvoq. 16-nik ukioqarluni Nuummit aallarpoq.
- Angalarusunnikuuvunga spaniamiullu oqaasii ilikkarusullugit. Spaniami ilaqutaqarpunga, taamaattumik spaniamiusut oqaluttalernissara ilikkarusussimavara, Patrick Frederiksen Sermitsiaq.AG-mut oqaluttuarpoq.
- Qaammatit siulliit pingasut imaannaanngillat. Oqalussinnaanngilanga ilaquttakkalu maqaasillugit. Pitsaasunilli ilaqutaqarsiaqarpunga, atuanngiffimmilu Montevideomi angalaaqatigalugit.
Silkeborgimi ilinniarneq
Patrick Frederiksen Silkeborgimi ukiut pingasut kingulliit najugaqarpoq. Ilinniarnertuunngorpoq Silkeborg-Voel KFUM-ilu unammisartuulluni. Timimik sungiusaasunngorniarluni qinnuteqarpoq.
Argentina-mi atuarsimanini pingaaruteqartutut oqaatigaa.
- Inuttut kinaanersunga paasinerulerpara, inuuninnilu suniarnerlunga paasillugu. Taamaattumik nunanut allanut atuariartornissaq inuusuttuaqqanut allanut siunnersuutigilluarsinnaavara, Patrick Frederiksen oqarpoq.
Patrick Frederiksen ataasiarluni nunanut allanut unammisartuni unammeqataanikuuvoq, Japanimoornermi peqataalluni.
Assit ataani takukkit