Nuuk
Mattuttut Nunarput qimappaat
Kommuneqarfik Sermersumi borgmesteri, Asii Chemnitz Narup (IA), pingasunngormat mattuttut illoqarfiit pingaarnersaanniittut inuulluaqquniarlugit kaffisortitsivoq
Mattuttut marluk Agnes Deprez aamma Noële Simon, Nuummi ukiorpassuanngortuni marluullutik ersarilluinnarsimasut inooqataalluarsimasullu maanna nunarput qimallugu aallalerput.
Namminneq tamanna aalajangigarinngilaat, malitaasali Jesu Små Søstremit aalajangerneqarluni, nunani arlalinni suliatik ikilisarpaat, Mattuttunik amigaateqarneq pissutigalugu.
Nunatsinni suliassat unitsinneqartussaasut saniatigut Pakistanimi Afghanistanimilu suliassat unitsinneqassapput.
Arnanut nakuuserfigineqarsimasut ikiuuttarsimasut
- Illoqarfitsinni assut ersarissimaqaasi, kajumissutsimillu sulinissinni annertoorujussuarnik tunniussaqarsimallusi. Taamaattumik uannut pingaaruteqarpoq Nuummiissimanersi pillugu kaffillernikkut qutsavigissallusi, Kommuneqarfik Sermersuumi borgmesteri, Asii Chemnitz Narup oqarpoq.
Agnes Deprez aamma Noële Simon 1980-imi Nuummut marluullutik tikipput. Tikinnerminniilli arnat nakuuserfigitissimasut ikiorniarlugit sulisimapput.
Agnes Deprez mattuttut sinnerlugit kaffillertoqarnerani oqalugiarpoq. Nunatsinnit mattuttunut tunniunneqarsimasunut tamanut qujavoq.