Maskingeværit sakkortuut oqaatsitigullu aporfissat

Politiinngorniarfimmi ilinniartut sumik pisoqarnissaanik ilisimatinnagit umiatsiaaqqamik aallartinneqarput, sunaaffa ilaatigut helikopteri annaassiniarnermi atorneqartartoq S-61 umiarsuarlu alapernaarsuut Ejnar Mikkelsen atorlugit upalungaarsimanermut sungiusartoqarnerani ilaatinneqassallutik.

Sungiusarnermi pisuusaartinneqarpoq umiarsuup maskingeværiinik sakkortuunik eqqarneq. Takorluukkat imaatsinneqarput, maskingeværip aqerlui immap qaavanit qaqqallu sivingarninit tammeqqittarlutik, umiatsiaararlu inuinnarnik issimasulik saneqquttoq eqqorlugu.

Oqaatsitigut aporfissat unammilligassaapput

Sungiusarnerup ilaatut Ejnar Mikkelsenimi sakkutuut politiivisa sakkutuut inuinnaallu peqataasut apersorpaat. Sakkutuuni peqataasuni arlalinni tupaallannarsinnaavoq innuttaasut ilaat qallunaatut oqalussinnaannginnerat, tamannalumi aamma sakkutuut politiivinik sungiusartitsibnermi pilersaarutaasut ilagisimavaat.

Kingorna helikopteri S-61 upalungaaarsimasunik ilaasoqarluni ajornatoornermi qeqertaaqqamut ´maangaannaq´ nunnippoq.

Sungiusarnerup aamma ilagaa inuit marluk ajoqusertuusaartinneqarnerat, aappaa ajunaarluni. Umiatsiaaqqami issimasut ilaat inuinnaq maskingeværip aqerluisa motoorimik eqquillutik aseqqukuinik eqqorneqarpoq, aappaalu sakkutooq ajoquserluni umiarsuarmi maskingeværimik eqqarluni taanna qaartoormat.

Sermitsiaq.AG-p assiliisuva peqataavoq. Assit pissanganartut ataani takukkit