Aatsitassalerinermik Ilinniarfik
Maskinentreprenørinngortoq minesvendinngortulli nersualaarneqangaatsiartut
Sapaatip akunnerata siuliani Aatsitassalerinermik Ilinniarfimmi Sisimiuni misilitsittoqarpoq. Ilinniartulli misilitsinnerminni tamarmik angusipput
Ulloq 17. juni Aatsitassalerinermik Ilinniarfimmi misilitsittoqarpoq, tassani maskinentreprenørinngortup minesvendinngortulli arfinillit ilinniarsimanermut uppernarsaataat tunniunneqarlutik.
Misilitsinnerit Teknikimik Iliniarfimmi (KTI) Sisimiuni ingerlanneqarput.
Aatsitassalerinermik Ilinniarfiup ilinniartitaanermut pisortaata, Hans Hinrichsenip misilitsinnermut uppernarsaatit agguaappai. Ilinniartut tamarmik misilitsinnerminni angusipput, ilinniartulli marluk misilitsinnerminni suliaat pillugit nersualaarneqarlutik.
- Aatsitassalerinermik Ilinniarfiup, Maskinentreprenørinngortoq Pavia-Lorentz Sørensen (Permagreen, Nuuk) pilluaqquvaa siunissamilu ingerlalluarnissaanik kissaallugu, aammalu Minesvendinngortut arfinillit: Tuilik Berthelsen (Byens Entreprenør og Minør Firma og Per Aarsleff, Nuuk), Kim Foss Ingemann (GNC ApS og Per Aarsleff, Nuuk), Kristian Andersen (GNC ApS og Per Aarsleff, Nuuk), Nukaaraq Knudsen (GNC ApS og Per Aarsleff, Nuuk), Johan Ole Knudsen (Per Aarsleff, Nuuk) aamma Qillaq Skifte Lennert (Polar Entreprise, Sisimiut). Atuartut tupinnartumik ilungersortut, sulerusuttut minnerunngitsumilli: atuartut pikkorissut, Hans Hinrichsen ilaatigut oqarpoq.
Ukioq manna ilinniakkaminik naammassinnittut tallimat Nuummi umiarsualivittaami – Sikuki Nuuk Harbour A/S Per Aarsleff Grønlandilu aqqutigalugit – ilinniarnertik ingerlappaat.
Ilinniarfiup atuartuinut ilinniarfiulluarsimavoq, ilinniarfigisimasartillu tulluusimaarutigilluarsinnaavaat. Nuup talittarfittaavani qaartitsineq siulleq pimmallu taakku peqataalersimapput. Tassani nunami immallu naqqani nuna qaartinneqarsimasoq katillugu 350.000 kubikmeteriuvoq. Aatsitassalerinermik Ilinniarfiup ilinniarsimasut pikkorissartut taamatuttaaq umiarsualiviornermi arlallit suleqataasimapput.
- Aatsitassalerinermik Ilinniarfiup ukioq manna naammassisut tulluusimaarutigilluinnarpai, siunissamilu suliaat pillugit tusagaqartalernissarput qilanaaraarput, minnerunngitsumilli inuiaqatigiinnut sunniuteqarnissaat, Hans Hinrichsen oqarpoq.