Martin Møller Polar Circle Marathonimi rekortiliisoq
The Polar Circle Marathon sapaammi Kangerlussuarmi aallartinneqarpoq, tassanilu arpattartut 126-t maratonimut peqataapput.
Maratonerluni aamma ujakkaarluni arpattartoq Martin Møller, arpannermi Polar Circle Marathonimi rekortiliivoq, tassani piffissaq akunnerit marluk minutsit 53-it aamma 45 sekundit atorlugit arpappoq. The Polar Circle Marathonimik aaqqissuisut Facebookimi quppernerminni ilisimatitsipput.
Arnat akornanni Louise Petersen Nunatsinneersoq ajugaavoq, akunnerit sisamat minutsit 14-it sekundillu 51-it atorlugit arpappoq. Louise Petersen aamma tallimanngornermi halvmaratonimi ajugaavoq, taamaalillunilu Polar Bear Challengemi ajugaalluni.
Arpattartut 126-t sapaammi maratonimut peqataasunit 84-it tallimanngormat halvmaratonimut peqataareersimapput, taamaalillutillu Polar Bear Challengemut peqataapput.
Arpannerup aallartinneranit video uani ataani takuuk:
Ullumi arpattoqarnerani Kangerlussuarmi pingasunik issippoq.