ujakkaarneq

Martin Møller VM-mut annguttoq

Kalaallimut ujakkaartartumut Olympiademut anngunnissaq anguniakkap tulleraa

Kalaaleq ujakkaartartoq Martin Møller nunarsuarmi pissartanngorniunnissamut annguppoq

Ukiuunerani unammiuaarnerit naammassineqarput.

Nunatsinnit Martin Møller, Erik Amondsen, Frederik Petersen kiisalu Bjarne Hansen peqataapput.

Martin Mølleri ingerlalluarpoq. Arpannermini 102 aamma 90 FIS-pointinnappoq, taamaalillunilu februaarimi nunarsuarmi pissartanngorniunnissamut annguppoq.

- Klasiskimi arpannermi ajunngitsorujussuarmik ingerlavunga, nalinginnaasumik taanna sanngiiffigisaraluarpara. World Cuppip sapaatip-akunnerata tulliani aallartinnissaa sioqqullugu tamanna isumalluarnarpoq, Martin Møller oqarpoq.

OL-mut anngunniarnissaq anguniakkap tulleraa
Sverigemi ujakkaartoqarnerani juniorini piukkunnaatilik Bjarne Hansen, juniorini ajugaasumit 15 procentit ataallutik kingulliuvoq.

Erik Amondsen aamma Frederik Petersen Bruksvallarnami ujakkaarnermut peqataapput, taakkuli VM-imut anngutinngillat.

Martin Mølleri tamatuma saniatigut World Cuppimut aamma OL-imut anngunniukkiartorluni Finlandimut ingerlaqqippoq. OL-imut anngutissaguni World Cuppimi marloriarluni 100 FIS-pointit ataallugit pissarsisariaqassaaq.

Atuaruk: Inuusuttut OL-erneranni kalaallimik peqataasoqassaaq

Powered by Labrador CMS