Martha Abelsen naalakkersuisunngorpoq

Doris J. Jensenip sapaatip-akunnerata siuliani tunuarnerata kingorna Martha Abelsen Naalakkersuisunut ilaasortanngorpoq.

Siumumeersoq misilittagartooq Martha Abelsen Naalakkersuisunut ilaasortanngorpoq.

Doris J. Jensenip sapaatip-akunnerata siuliani peqqissutsimut, isumginninnermut inatsisinillu atuutsitsinermut naalakkersuisutut tunuarnerata kingorna allannguineq pisariaqalernikuuvoq.

Naalakkersuisuuffiit agguataarneqarnerisa inaarneqarnerat kingusinnerusukkut nalunaarutigineqassaaq, kisianni Martha Abelsenip naalakkersuisoqarfiit oqimaatsut Doris J. Jensenimit tigusussaarpasippai.

Doris J. Jensen sulisimaneranik, Naalakkersuisut siulittaasuata Kim Kielsenip qujassuteqarfigaa.

Inatsisartunut ilaasortat 18-t Naalakkersuisut nutaat akueraat. 11-t akuersinatik akerliunatilluunniit taasipput.

IA-mi siulittaasup Sara Olsvigip Naalakkersuisuni taarseraattarnerpassuit isornartorsiorpai, tamannalu aqutsinerlunnermut takussutissaasoq isumaqarluni. Taamaattumillu partiini taaseqataannginnerarlugu nalunaaruteqarpoq. Partii Naleqqap naalakkersuinikkut oqaaseqartartua, Jens Napaattuup assinganik isornartorsiuivoq – Martha Abelsenilu naalakkersuisuuffimmut tulluartuunerarlugu oqariartuuteqarpoq.

Powered by Labrador CMS