Nuuk
Marathon peqataaffigineqaleraluttuinnartoq
Ukiut siuliinit annerusumik aaqqissuussinissamik Nuuk Marathon ukiormanna siunniussaqarpoq
Arfininngornermi aggustip 13-ani Nuukkut, Nuussuakkut, Mittarfikkut Qinngutsigullu marathonerluni arpattut sakkortunaarissapput aamma aqqutit imminut misiligutaassapput.
Arpanneq sivingajaarpassuit qatsissutsillu assigiinngitsorpassuit pissutaallutik marathonerluni arpannerit sakkortunersaattut isigineqartarpoq.
Assit: Nuuk Marathonimi ajugaasut
Arpanneq inuppassuarnit peqataaffigineqartoq
- Silarsuarmiut Nuuk Marathonimik takunnilernissaat kissaatigaarput, taamaalilluni arpattarneq tamanna ukiuni tulliuttuni tallimani najukkameersunit nunanillu tamalaaneersunit ornigarluarneqarnerussammat, Michael Günzel, arpattartut peqatigiiffianni NAAPE-mi arpattarnernut pisortaq oqarpoq.
- Ukioq manna arpattartorpassuarnik ussatsitsinnginnissarput ilisimavarput, kisianni ukiormanna Nuummi annertunerusumik marathonerluni arpattarnissamut tunngavissiissaagut. Ukiormanna arpattartunut isiginnaartunullu pitsaasunik avatangiiseqartitsinissatsinnut qilanaarpugut, ilanngullugu oqarpq.
Takissutsit assigiinngitsut
Arpaffissaq isorartunerpaaq arpaffigisinnaanngikkaanni taava arpaatit qilersorluariarlugit naannerusumut arpaqataasoqarsinnaavoq.
Arpaffissat isorartussutsit assigiinngitsut sisamaasut tassaapput 3,5 kilometer (ilaqutariinnut arpaffissaq), 10 kilometer, 21,1 kilometer (marathonip affaa) aamma 42,195 kilometer (marathon).
Tamarmik madaaliannassasut
Arpattussat tamarmik nal 10.00 arpallutik aallassapput Brugsenillu eqqaanut apuutissallutik.
Peqataasut tamarmik medaliannassapput aamma arpattoqareerpat pinnattaassanik makitsisoqassaaq. Apuuffissami aliikkusersuisoqassaaq, pississaarfeqassaaq allappassuarnillu nalliuttorsiorpalaartoqassalluni.
Nammineq kajumissutsimik suleqataarusuppit?
Arpannissat arpattartut peqatigiiffiannit NAAPE-mit Kommuneqarfik Sermersooq suleqatigalugu aaqqissuunneqarpoq. Nakkutilliisussatut, piffissalersuisussatut aamma isiginnaartitsiviliornissamut nammineq kajumissutsiminnik sulerusuttunik pisariaqartitsisoqarpoq.
Ikiuukkusukkuit NAAPE-mut imaluunniit timersornermik aaqqissuussinermik ataqatigiissaarisumut Poul Petersenimut saaffiginnissinnaavutit.
Nuuk Marathonimut peqataaniarlutik ugguuna nalunaarsinnaavutit.