Tivoli utoqqatsertoq
Maniitsumi Nipilersornermik ilinniarfik peqataanngitsoortut
Ukioq manna Maniitsumi Nipilersornermik ilinniarfik, ippassaq tikillugu Tivolimi peqataanissaat ilimagineqarsimangaluarpoq. Paattuuisoqarsimavorli
Agiartartoqatigiit Maniitsup Nipilersornermik ilinniarfianeersut ukioq manna Tivolimi peqataassanngillat.
Arfininngorneq tikillugu Tivolip naatsorsuutigisimangaluarpaa nipilersornermik ilinniarfiup peqataatitaqarnissaa. Taamaammat agiartartoqatigiit pilersaarutinut tusagassiuutinulli nalunaarutini, Tivolip saqqummiussimasaani ilanngunneqarsimangaluarput.
Ippassaq Sermitsiaq.AG pisussamik allaaserinnissimanerata kinguninnguaq paatsuuisoqarsimasoq, Maniitsumi Nipilersornermik ilinniarfik paasissutissiivoq.
Atuaruk: Assit takukkit: Kalaallit Nunaat Tivolimi iluatsitsilluarfioqqippoq
Tamanna Tivolimiik ajuusaarnartuutippaat, paattuuisoqarsimaneranulli utoqqatserlutik.
- Ajoraluartumik Maniitsumi Nipilersornermik ilinniarfiup Tivolip nipilersornermik ilinniarfinnut immikkut aaqqissugaanni peqataasinnaanatik nalunaarsimapput. Kalaallit Nunaannit nipilersornermik ilinniarfimmik ukioq manna peqataasoqaqqilernera tulluusimaarutigigaluarparput. Angalanissamulli aningaasartuutissat tamakkiisumik pissarsiarineqarsinnaasimanngillat, neriuutigaarpulli aaqqissuussinerit ilaanni peqataajumaartut, pressechefi, Torben Plank oqarpoq.