maniitsoq marathon
Maniitsumi maratonertoqassaaq
Maniitsoq Marathonimi aaqqissuisut naatsorsuutigaat inuit 300-t arpatitsinermi peqataassasut
Maniitsoq Maraton arfininngorpat arfinilissaa ingerlanneqassaaq.
- Ukiuni kingullerni Maniitsoq Marathonimi peqataasartut 300-it sinneqartartut ukioq mannattaaq tamatuma missaani amerlassusillit peqataassasut aaqqissuisunit naatsorsuutigaagut, Maniitsoq Marathonimi aaqqissueqataasoq John Olsen tusagassiutinut nalunaaruteqarpoq.
Arpattartut Martin Møller, Frederik Brummerstedt, Miiti Lynge, Anguteeraq Petersen arpaqataaniarlutik allatsipput.
Maniitsoq Marathonimi arpaffigineqassapput; 42 km, 21 km, 10,5 km, 4,2 km kiisalu 1,3 km.
- Maratonissagaanni maratonilluunniit affaannik arpassagaanni 16-leereersimasariaqarpoq, 14-nilli ukiulik Enos Lyberth maratonip affaanik arpannissamut akuersissummik pivoq, John Olsen allappoq.
Arpatitsineq nalunaaqutaq 11.00 arfininngorpat aallartinneqassaaq.
Maniitsoq Marathonimi ukiuni kingullerni ajugaasut:
2010:
Angutini: Kim Godtfredsen, Nuuk
2011:
Angutini: Kim Godtfredsen, Nuuk
Arnani: Miiti Lynge, Nuuk
2012:
Angutini: Martin Møller, Nuuk
Arnani: Miiti Lynge, Nuuk
2013:
Angutini: Frederik Brummerstedt, Nuuk
Arnani: Sørine Petersen, Maniitsoq
Sermitsiaq.AG angusanik assinillu saqqummiussissaaq.