Royal Greenland
Maniitsumi innuttaasut Kiinamiut tikilluaqquaat
Royal Greenlandip Maniitsumi Kiinamiut 19-t sulilersinnissaanut pilersaarutaat, innuttaasunit 100-t missaaniittunit paasisaqarnerujumallutik takkuttunit akuersaarneqarput.
Annonse
- Maniitsumi innuttaasunik ataatsimiisitsineq ajunngitsumik inerlavoq. Maniitsumi Royal Greenlandip tunisassiorfiani sulisussanik avataaniit sulisussassarsiortariaqarsimaneq Maniitsumi innuttaasunik ataatsimiisitsinermi saqqummiunneqarmat innuttaasut ataatsimiisitsinermi peqataasut akuersaarnertik ersersippaat, Royal Greenlandimi Suliffeqarfissuarmi sulisoqarnermi ingerlatsisoq Søren Olsen Damgaard, ingerlatseqatigiiffiup nittartagaanut oqarpoq.
Ukiormanna ingerlatseqatigiiffiup sulisut Kiinameersut katillugu 38-t tikisissavai, taakku tunisassiorfinni assigiinngitsuni inissinneqassapput.
Royal Greenland Uummannami assingusumik ippassaq unnukku illoqarfiup katersortarfigisimasaani innuttaasunik ataatsimiititsivoq.