Qeqqata Kommunia
Maniitsumi illoqarfiup ineriartortinneqarnissaanut pilersaarutit tamaagaannarput
Maniitsup ineriartortinneqarnissaa Qeqqata Kommuniani kommunalbestyrelsip amerlanerussuteqartut itigartitsissutigaat
Qeqqata Kommunia kommunalbestyrelsi kingullermik ataatsimiimmat Maniitsup illoqarfittut ineriartortinneqarnissaat pilersaarut eqqartorneqarpoq.
Kommunalbestyrelsimilu ilaasortat amerlanerussuteqartut siunnersuummut itigartitsisut, Qeqqata Kommuniani borgmester, Malik Berthelsen (S) Sermitsiaq.AG'mut oqaatigaa.
- Alcoa'p aluminiumik aatsiivimmik pilersitsiffissaraluani inissisimasussaangaluarpoq. Fifa'p akuerisaanik isikkamik arsaattarfimmik pilersitsinissamik eqqarsaat, illoqarfiup ineriartortinneqarnissaanut isuma takkuteqqikkaluarpoq. Kisianni amerlanerussuteqartut itigartitsissutigaat, taanna oqarpoq.
Maniitsumilu ivigaasaaqqaamik arsaattarfimmik pilersitsinissamut eqqarsaat kipitinneqanngilaq.
- Kommunalbestyrelsi novemberip qaammataani ataatsimeeqqilerpat, ivigaasaaqqanik arsaattarfiup sumi inissisimanissaa aalajangissavarput, Malik Berthelsen oqarpoq.